헬라어 문장 검색 - Πλυταρ́Ξρασσυσ́13́

(플루타르코스, chapter 13)

ἡ μέν οὖν ὑπατεία τοῦ Κράσσου ταῦτ’ ἔσχεν ἄξια μνήμησ, ἡ δὲ τιμητεία παντάπασιν ἀτελὴσ καὶ ἄπρακτοσ αὐτῷ διῆλθεν, οὔτε γὰρ βουλῆσ ἐξέτασιν οὔθ’ ἱππέων ἐπίσκεψιν οὔτ’ ἀποτίμησιν πολιτῶν ἐποιήσατο, καίτοι συνάρχοντα Ῥωμαίων ἔχοντι τὸν πρᾳότατον Λουτάτιον Κάτλον. ἀλλά φασιν ἐπὶ δεινὸν ὁρμήσαντι τῷ Κράσσῳ πολίτευμα καὶ βίαιον, Αἴγυπτον ποιεῖν ὑποτελῆ Ῥωμαίοισ, ἀντιβῆναι τὸν Κάτλον ἐρρωμένωσ ἐκ δὲ τούτου γενομένησ διαφορᾶσ ἑκόντασ ἀποθέσθαι τὴν ἀρχήν. ἐν δὲ τοῖσ περὶ Κατιλίναν πράγμασι μεγάλοισ καὶ μικροῦ δεήσασιν ἀνατρέψαι τὴν Ῥώμην, ἥψατο μέν τισ ὑπόνοια τοῦ Κράσσου καὶ προσῆλθεν ἄνθρωποσ ὀνομάζων ἀπὸ τῆσ συνωμοσίασ, οὐδεὶσ δὲ ἐπίστευσεν.

ὅμωσ δ’ ὁ Κικέρων ἔν τινι λόγῳ φανερόσ ἦν Κράσσῳ καὶ Καίσαρι τὴν αἰτίαν προστριβόμενοσ.

ἀλλ’ οὗτοσ μέν ὁ λόγοσ ἐξεδόθη μετὰ τὴν ἀμφοῖν τελευτήν, ἐν δὲ τῷ Περὶ ὑπατείασ ὁ Κικέρων νύκτωρ φησὶ τὸν Κράσσον ἀφικέσθαι πρὸσ αὐτόν ἐπιστολὴν κομίζοντα τὰ περὶ τὸν Κατιλίναν ἐξηγουμένην, ὡσ ἤδη βεβαιοῦντα τὴν συνωμοσίαν. ὁ δ’ οὖν Κράσσοσ ἀεὶ μέν ἐμίσει τὸν Κικέρωνα διὰ τοῦτο, τοῦ δὲ βλάπτειν ἀναφανδὸν ἐμποδὼν εἶχε τὸν υἱόν.

ὁ γὰρ Πόπλιοσ ὢν φιλολόγοσ καὶ φιλομαθὴσ ἐξήρτητο τοῦ Κικέρωνοσ, ὥστε καὶ συμμεταβαλεῖν αὐτῷ τὴν ἐσθῆτα κρινομένῳ καὶ τοὺσ ἄλλουσ νέουσ ταὐτὰ ποιοῦντασ παρασχεῖν. τέλοσ δὲ τὸν πατέρα πείσασ φίλον ἐποίησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 13

(플루타르코스, chapter 13)

상위

목록

SEARCH

MENU NAVIGATION