헬라어 문장 검색 - Πλυταρ́Ξρασσυσ́11́

(플루타르코스, chapter 11)

ἐφοβήθη μὲν οὖν ὁ Κράσσοσ μὴ λάβοι τισ ὁρμὴ τὸν Σπάρτακον ἐπὶ τὴν Ῥώμην ἐλαύνειν, ἐθάρρησε δὲ πολλῶν ἐκ διαφορᾶσ ἀποστάντων αὐτοῦ καὶ στρατοπεδευσαμένων καθ’ αὑτοὺσ ἐπὶ Λευκανίδοσ λίμνησ, ἥν φασι τρέπεσθαι διὰ χρόνου γινομένην γλυκεῖαν καὶ αὖθισ ἁλμυρὰν καὶ ἄποτον. τούτοισ ἐπελθὼν ὁ Κράσσοσ ἐξέωσε μὲν ἀπὸ τῆσ λίμνησ, ἀφῃρέθη δὲ τὸν φόνον καὶ τὴν δίωξιν αὐτῶν ἐπιφανέντοσ ὀξέωσ τοῦ Σπαρτάκου καὶ τὴν φυγὴν ἐπιστήσαντοσ. γεγραφὼσ δὲ τῇ βουλῇ πρότερον ὡσ χρὴ καὶ Λούκουλλον ἐκ Θρᾴκησ καλεῖν καὶ Πομπήιον ἐξ Ἰβηρίασ, μετενόει, καὶ πρὶν ἥκειν ἐκείνουσ ἔσπευδε διαπράξασθαι τὸν πόλεμον, εἰδὼσ ὅτι τοῦ προσγενομένου καὶ βοηθήσαντοσ, οὐκ αὐτοῦ τὸ κατόρθωμα δόξει.

πρῶτον μὲν οὖν διαγνοὺσ τοῖσ ἀφεστῶσι καὶ κατ’ ἰδίαν στρατευομένοισ, ὧν ἀφηγοῦντο Γάιοσ Καννίκιοσ καὶ Κάστοσ, ἐπιθέσθαι, λόφον τινὰ προκαταληψομένουσ ἄνδρασ ἑξακισχιλίουσ ἀπέστειλε, λανθάνειν πειρᾶσθαι κελεύσασ. οἱ δ’ ἐπειρῶντο μὲν τὴν αἴσθησιν ἀποκρύπτειν τὰ κράνη καταμπέχοντεσ, ὀφθέντεσ δ’ ὑπὸ δυεῖν γυναικῶν προθυομένων τοῖσ πολεμίοισ ἐκινδύνευσαν, εἰ μὴ Κράσσοσ ὀξέωσ ἐπιφανεὶσ μάχην ἔθετο πασῶν καρτερωτάτην, ἐν ᾗ τριακοσίουσ ἐπὶ δισχιλίοισ καὶ μυρίοισ καταβαλὼν δύο μόνουσ εὑρ͂ε κατὰ νώτου τετρωμένουσ, οἱ δ’ ἄλλοι πάντεσ ἑστῶτεσ ἐν τάξει καὶ μαχόμενοι τοῖσ Ῥωμαίοισ ἀπέθανον.

Σπαρτάκῳ δὲ μετὰ τὴν τούτων ἧτταν ἀναχωροῦντι πρὸσ τὰ ὄρη τὰ Πετηλῖνα, Κόιντοσ τῶν περὶ Κράσσον ἡγεμόνων καὶ Σκρώφασ ταμίασ ἐξαπτόμενοι παρηκολούθουν.

ἐπιστρέψαντοσ δὲ γίνεται φυγὴ μεγάλη τῶν Ῥωμαίων, καὶ μόλισ τρωθέντα τὸν ταμίαν ἁρπάσαντεσ ἀπεσώθησαν. τοῦτο τὸν Σπάρτακον ἀπώλεσε τὸ κατόρθωμα, φρονήματοσ ἐπιγενομένου τοῖσ δραπέταισ. οὐκέτι γὰρ ἠξίουν φυγομαχεῖν οὐδ’ ἐπείθοντο τοῖσ ἄρχουσιν, ἀλλ’ ἤδη καθ’ ὁδὸν ὄντασ ἐν τοῖσ ὅπλοισ περισχόντεσ ἠνάγκασαν αὖθισ ὀπίσω διὰ τῆσ Λευκανίασ ἄγειν ἐπὶ τοὺσ Ῥωμαίουσ, εἰσ ταὐτὸ τῷ Κράσσῳ σπεύδοντεσ.

ἤδη γὰρ ὁ Πομπήιοσ προσιὼν ἀπηγγέλλετο· καὶ δὴ ἀρχαιρεσιάζοντεσ ἦσαν οὐκ ὀλίγοι τὴν νίκην ἐκείνῳ τοῦ πολέμου προσήκειν ἐλθόντα γὰρ εὐθὺσ μαχεῖσθαι καὶ καταλύσειν τὸν πόλεμον. ἐπειγόμενοσ οὖν διαγωνίσασθαι καὶ παραστρατοπεδεύσασ τοῖσ πολεμίοισ ὤρυττε τάφρον, πρὸσ ἣν ἐκπηδῶντεσ οἱ δοῦλοι προσεμάχοντο τοῖσ ἐργαζομένοισ. ἀεὶ δὲ πλειόνων ἑκατέρωθεν ἐκβοηθούντων ὁρῶν τὴν ἀνάγκην ὁ Σπάρτακοσ ἅπαν παρέταξε τὸ στράτευμα.

καὶ πρῶτον μὲν τοῦ ἵππου προσαχθέντοσ αὐτῷ σπασάμενοσ τὸ ξίφοσ καὶ εἰπών ὅτι νικῶν μὲν ἔχοι πολλοὺσ ἵππουσ καὶ καλοὺσ τῶν πολεμίων, ἡττώμενοσ δὲ οὐ δεῖται, κατέσφαξε τὸν ἵππον· ἔπειτα πρὸσ Κράσσον αὐτὸν ὠθούμενοσ διὰ πολλῶν ὅπλων καὶ τραυμάτων ἐκείνου μὲν οὐκ ἔτυχεν, ἑκατοντάρχασ δὲ δύο συμπεσόντασ ἀνεῖλε. τέλοσ δὲ φυγόντων τῶν περὶ αὐτόν, αὐτὸσ ἑστὼσ καὶ κυκλωθεὶσ ὑπὸ πολλῶν ἀμυνόμενοσ κατεκόπη.

Κράσσου δὲ τῇ τύχῃ χρησαμένου καὶ στρατηγήσαντοσ ἄριστα καὶ τὸ σῶμα τῷ κινδύνῳ παρασχόντοσ, ὅμωσ οὐ διέφυγε τὸ κατόρθωμα τὴν Πομπηϊού δόξαν. οἱ γὰρ διαφυγόντεσ ἐμπεσόντεσ αὐτῷ διεφθάρησαν, ὥστε καὶ γράψαι πρὸσ τὴν σύγκλητον ὅτι μάχῃ μὲν τοὺσ δραπέτασ φανερᾷ Κράσσοσ νενίκηκεν, αὐτὸσ δὲ τοῦ πολέμου τὴν ῥίζαν ἀνῄρηκε. Πομπήιοσ μὲν οὖν ἀπὸ Σερτωρίου καὶ Ἰβηρίασ ἐπιφανῶσ ἐθριάμβευσε, Κράσσοσ δὲ τὸν μὲν μέγαν θρίαμβον οὐδ’ αὐτὸσ αἰτεῖν ἐπεχείρησεν, ἐδόκει δὲ καὶ τὸν πεζόν, ὀούαν δὲ καλούμενον, ἀγεννῶσ καὶ παρ’ ἀξίαν ἐπὶ δουλικῷ πολέμῳ θριαμβεῦσαι.

τί δ’ οὗτοσ ἐκείνου διαφέρει, καὶ περὶ τῆσ κλήσεωσ, ἐν τῷ Μαρκέλλου βίῳ γέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 11

(플루타르코스, chapter 11)

상위

목록

SEARCH

MENU NAVIGATION