헬라어 문장 검색 - Πλυταρ́Ξρασσυσ́06́

(플루타르코스, chapter 6)

ὁ δὲ Κράσσοσ ὀκτὼ μῆνασ οὕτω διαγαγὼν καὶ διακλαπείσ, ἅμα τῷ πυθέσθαι τὴν Κίννα τελευτὴν φανερὸσ γενόμενοσ, συνδραμόντων πρὸσ αὑτὸν οὐκ ὀλίγων ἀνθρώπων, ἐπιλεξάμενοσ δισχιλίουσ καὶ πεντακοσίουσ ἐπήρχετο τὰσ πόλεισ· καὶ μίαν γε διήρπασε Μαλάκην, ὡσ πολλοὶ γεγράφασιν, αὐτὸν δέ φασιν ἀρνεῖσθαι καὶ διαμάχεσθαι πρὸσ τοὺσ λέγοντασ, ἐκ τούτου συναγαγὼν πλοῖα καὶ διαπεράσασ εἰσ Λιβύην ἀφίκετο πρὸσ Μέτελλον Πίον, ἔνδοξον ἄνδρα, συνειλοχότα στρατιὰν οὐκ εὐκαταφρόνητον. οὐ πολὺν δὲ χρόνον ἐνταῦθα παρέμεινεν, ἀλλὰ στασιάσασ τῷ Μετέλλῳ πρὸσ Σύλλαν ἀπῆρε, και συνὴν ἐν τοῖσ μάλιστα τιμώμενοσ, ἐπεὶ δὲ διαβὰσ εἰσ Ἰταλίαν ὁ Σύλλασ πάντασ ἐβούλετο τοὺσ σὺν αὐτῷ νέουσ ἔχειν ἐνεργοὺσ καὶ πρὸσ ἄλλην ἄλλον ἔταττε πρᾶξιν, ἀποστελλόμενοσ εἰσ Μαρσοὺσ ἐπὶ στρατιὰν ὁ Κράσσοσ ᾔτει φύλακασ·

ἡ γὰρ πάροδοσ ἦν παρὰ τοὺσ πολεμίουσ. οὕτω παθών τι καὶ παροξυνθεὶσ ὁ Κράσσοσ εὐθὺσ ἐξῆλθε, καὶ διὰ τῶν πολεμίων ὠσάμενοσ εὐρώστωσ δύναμίν τε συχνὴν ἤθροισε καὶ πρόθυμον αὑτὸν ἐν τοῖσ ἀγῶσι τῷ Σύλλᾳ παρεῖχεν.

ἀπ’ ἐκείνων δὲ τῶν πράξεων λέγουσιν αὐτῷ πρῶτον ἐγγενέσθαι τὴν πρὸσ Πομπήιον ὑπὲρ δόξησ ἅμιλλαν καὶ φιλοτιμίαν.

ὁ γὰρ Πομπήιοσ ἡλικίᾳ τε λειπόμενοσ αὐτοῦ καὶ πατρὸσ γεγονὼσ ἀδοξήσαντοσ ἐν Ῥώμῃ καὶ μισηθέντοσ ἔσχατον μῖσοσ ὑπὸ τῶν πολιτῶν, ἐν ἐκείνοισ τοῖσ πράγμασιν ἐξέλαμψε καὶ διεφάνη μέγασ, ὥστε Σύλλαν, ἃ πρεσβυτέροισ καὶ ἰσοτίμοισ οὐ πάνυ πολλάκισ παρεῖχεν, ὑπεξανίστασθαι προσιόντοσ αὐτοῦ καὶ κεφαλὴν ἀποκαλύπτεσθαι καὶ προσειπεῖν αὐτοκράτορα. ταῦτα διέκαιε καὶ παρώξυνε τὸν Κράσσον οὐκ ἀλόγωσ ἐλασσούμενον.

Ἐμπειρίᾳσ τε γὰρ ἐνδεὴσ ἦν καὶ τῶν πράξεων αὐτοῦ τὴν χάριν ἀφῄρουν αἱ συγγενεῖσ κῆρεσ ἐπιφερόμεναι, φιλοκέρδεια καὶ μικρολογία. καὶ γὰρ πόλιν Ὀμβρικὴν Τουδερτίαν ἑλών ἔδοξε πλεῖστα τῶν χρημάτων σφετερίσασθαι, καὶ διεβλήθη πρὸσ Σύλλαν. ἀλλ’ ἔν γε τῷ περὶ τὴν Ῥώμην ἀγῶνι πάντων γενομένῳ μεγίστῳ καὶ τελευταίῳ Σύλλασ μὲν ἡττήθη, τῶν κατ’ αὑτὸν ὠσθέντων καὶ συντριβέντων, Κράσσοσ δὲ τὸ δεξιὸν κέρασ ἔχων ἐνίκησε καὶ μέχρι νυκτὸσ διώξασ τοὺσ πολεμίουσ ἔπεμψε πρὸσ Σύλλαν, δεῖπνον αἰτῶν τοῖσ στρατιώταισ καὶ τὸ κατόρθωμα φράζων.

ἐν δὲ Βρεττίοισ λέγεται καὶ προγράψαι τινὰ οὐ Σύλλα κελεύσαντοσ, ἀλλ’ ἐπὶ χρηματισμῷ, δι’ ὃ καὶ Σύλλαν καταγνόντα πρὸσ μηθὲν ἔτι χρῆσθαι δημόσιον αὐτῷ.

καίτοι δεινότατοσ ἦν Κράσσοσ πάντασ ἀνθρώπουσ κολακείᾳ κατεργάσασθαι, πάλιν δ’ αὐτὸσ ὑπὸ πάντων διὰ κολακείασ εὐάλωτοσ, ἴδιον δὲ κἀκεῖνο περὶ αὐτοῦ λέγεται, φιλοκερδέστατον ὄντα μάλιστα μισεῖν καὶ λοιδορεῖν τοὺσ ὁμοίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 6

(플루타르코스, chapter 6)

상위

목록

SEARCH

MENU NAVIGATION