헬라어 문장 검색 - Πλυταρ́Ξρασσυσ́04́

(플루타르코스, chapter 4)

ἐπεὶ δὲ Κίννασ καὶ Μάριοσ κρατήσαντεσ εὐθὺσ ἦσαν ἔνδηλοι κατιόντεσ οὐκ ἐπ’ ἀγαθῷ τῆσ πατρίδοσ, ἐπ’ ἀναιρέσει δ’ ἄντικρυσ καὶ ὀλέθρῳ τῶν ἀρίστων, οἱ μέν ἐγκαταληφθέντεσ ἀπέθνῃσκον, ὧν ἦν καὶ ὁ πατὴρ Κράσσου καὶ ὁ ἀδελφόσ, αὐτὸσ δὲ νέοσ ὢν παντάπασι τὸ μέν αὐτίκα δεινὸν ἐξέφυγε, πάντῃ δὲ περιβαλλόμενον ἑαυτὸν αἰσθανόμενοσ καὶ κυνηγετούμενον ὑπὸ τῶν τυράννων τρεῖσ φίλουσ ἀναλαβὼν καὶ θεράποντασ δέκα, τάχει δ’ ὑπερβάλλοντι χρησάμενοσ εἰσ Ἰβηρίαν ἔφυγε, γεγονὼσ πάλαι στρατηγοῦντοσ τοῦ πατρὸσ αὐτόθι καὶ φίλουσ πεποιημένοσ. εὑρὼν δὲ πάντασ περιδεεῖσ καὶ τὴν ὠμότητα τὴν Μαρίου καθάπερ ἐφεστῶτοσ αὐτοῖσ τρέμοντασ, οὐδενὶ γενέσθαι φανερὸσ ἐθάρρησεν, ἀλλ’ εἰσ ἀγροὺσ ἐμβαλὼν παραλίουσ Οὐιβίου Πακιανοῦ σπήλαιον ἔχοντασ εὐμέγεθεσ, ἔκρυψεν ἑαυτόν, πρὸσ δὲ τὸν Οὐίβιον ἔπεμψεν ἕνα δοῦλον ἀποπειρώμενοσ, ἤδη καὶ τῶν ἐφοδίων ἐπιλιπόντων.

ὁ δὲ Οὐίβιοσ ἀκούσασ ἥσθη τε σῳζομένῳ καὶ πυθόμενοσ τὸ πλῆθοσ τῶν σὺν αὐτῷ καὶ τὸν τόπον αὐτὸσ μέν οὐκ ἦλθεν εἰσ ὄψιν, τὸν δὲ τῶν χωρίων ἐπίτροπον προσαγαγὼν ἐγγὺσ ἐκέλευσε καθ’ ἡμέραν δεῖπνον πεποιημένον κομίζειν, καὶ τιθέντα παρὰ τὴν πέτραν ἀπέρχεσθαι σιωπῇ καὶ μὴ πολυπραγμονεῖν μηδ’ ἐξετάζειν, προειπὼν πολυπραγμονοῦντι θάνατον, συμπράττοντι δὲ τοῦτο πιστῶσ ἐλευθερίαν.

τὸ δὲ σπήλαιον οὐκ ἄπωθεν μέν ἐστι θαλάσσησ, κρημνοὶ δὲ περὶ αὐτὸ συμφερόμενοι λεπτὴν καὶ ἀσαφῆ παραπέμπουσι λαύραν ἄγουσαν εἴσω, παρελθόντι δ’ ὕψοσ τε θαυμαστὸν ἀναπέπταται, καὶ κατ’ εὖροσ ἔχει κόλπουσ δι’ ἀλλήλων ἀνοιγομένουσ μεγάλαισ περιφερείαισ.

ἀμοιρεῖ δ’ οὔτε ὕδατοσ οὔτε φωτόσ, ἀλλὰ πηγὴ μέν ἡδίστου νάματοσ ὑπορρεῖ παρὰ τὸν κρημνόν, αὐτοφυεῖσ δὲ ῥωχμοὶ τῆσ πέτρασ ᾗ μάλιστα περιπίπτει τὸ φῶσ ἔξωθεν ὑπολαμβάνουσι, καὶ καταλάμπεται ἡμέρασ τὸ χωρίον, ὁ δ’ ἐντὸσ ἀὴρ ἀστάλακτοσ καὶ καθαρόσ, πυκνότητι τῆσ πέτρασ τὸ νοτερὸν καὶ ἀποτηκόμενον εἰσ τὴν πηγὴν ἐκπιεζούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, chapter 4

(플루타르코스, chapter 4)

상위

목록

SEARCH

MENU NAVIGATION