헬라어 문장 검색 - Πλυταρ́Αεμιλιύ18́

(플루타르코스, Aemilius Paulus, chapter 18)

περὶ δὲ δείλην οἱ μὲν αὐτοῦ φασι τοῦ Αἰμιλίου τεχνάζοντοσ ἐκ τῶν πολεμίων γενέσθαι τὴν ἐπιχείρησιν, ἀχάλινον ἵππον ἐξελάσαντασ ἐμβαλεῖν αὐτοῖσ τοὺσ Ῥωμαίουσ, καὶ τοῦτον ἀρχὴν μάχησ διωκόμενον παρασχεῖν οἱ δὲ Ῥωμαϊκῶν ὑποζυγίων χορτάσματα παρακομιζόντων ἅπτεσθαι Θρᾷκασ, ὧν Ἀλέξανδροσ ἡγεῖτο, πρὸσ δὲ τούτουσ ἐκδρομὴν ὀξεῖαν ἑπτακοσίων Λιγύων γενέσθαι· παραβοηθούντων δὲ πλειόνων ἑκατέροισ οὕτω συνάπτεσθαι τὴν μάχην ἀμφοτέρων. ὁ μὲν οὖν Αἰμίλιοσ ὥσπερ κυβερνήτησ τῷ παρόντι σάλῳ καὶ κινήματι τῶν στρατοπέδων τεκμαιρόμενοσ τὸ μέγεθοσ τοῦ μέλλοντοσ ἀγῶνοσ, ἐκ τῆσ σκηνῆσ προῆλθε καὶ τὰ τάγματα τῶν ὁπλιτῶν ἐπιὼν παρεθάρρυνεν, ὁ δὲ Νασικᾶσ ἐξιππασάμενοσ πρὸσ τοὺσ ἀκροβολιζομένουσ ὁρᾷ πάντασ ὅσον οὔπω τοὺσ πολεμίουσ ἐν χερσὶν ὄντασ.

πρῶτοι δ’ οἱ Θρᾷκεσ ἐχώρουν, ὧν μάλιστά φησιν ἐκπλαγῆναι τὴν ὄψιν, ἄνδρεσ ὑψηλοὶ τὰ σώματα, λευκῷ καὶ περιλάμποντι θυρεῶν καὶ περικνημίδων ὁπλισμῷ μέλανασ ὑπενδεδυμένοι χιτῶνασ, ὀρθὰσ δὲ ῥομφαίασ βαρυσιδήρουσ ἀπὸ τῶν δεξιῶν ὤμων ἐπισείοντεσ, παρὰ δὲ τοὺσ Θρᾷκασ οἱ μισθοφόροι παρενέβαλλον, ὧν σκευαί τε παντοδαπαὶ, καὶ μεμιγμένοι Παίονεσ ἦσαν ἐπὶ δὲ τούτοισ ἄγημα τρίτον οἱ λογάδεσ, αὐτῶν Μακεδόνων ἀρετῇ καὶ ἡλικίᾳ τὸ καθαρώτατον, ἀστράπτοντεσ ἐπιχρύσοισ ὅπλοισ καὶ νεουργοῖσ φοινικίσιν.

οἷσ καθισταμένοισ εἰσ τάξιν αἱ τῶν χαλκασπίδων ἐπανατέλλουσαι φάλαγγεσ ἐκ τοῦ χάρακοσ ἐνέπλησαν αὐγῆσ σιδήρου καὶ λαμπηδόνοσ χαλκοῦ τὸ πεδίον, κραυγῆσ δὲ καὶ θορύβου παρακελευομένων τὴν ὀρεινήν.

οὕτω δὲ θρασέωσ καὶ μετὰ τάχουσ ἐπῄεσαν ὥστε τοὺσ πρώτουσ νεκροὺσ ἀπὸ δυεῖν σταδίων τοῦ Ῥωμαϊκοῦ χάρακοσ καταπεσεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Aemilius Paulus, chapter 18

(플루타르코스, Aemilius Paulus, chapter 18)

상위

목록

SEARCH

MENU NAVIGATION