헬라어 문장 검색 - Ηιπποξ́Οευϝρεσ́09́11́0́

(히포크라테스, Oeuvres Completes D'Hippocrate., PROGNWSTIKON, 11.)

Διαχώρημα δέ ἐστιν ἄριστον τὸ μαλθακόν τε καὶ ξυνεστηκὸσ, καὶ τὴν ὡρ́ην ἥνπερ καὶ ὑγιαίνοντι ὑπεχώρεε, πλῆθοσ δὲ πρὸσ λόγον τῶν ἐσιόντων‧ τοιαύτησ γὰρ ἐούσησ τῆσ διεξόδου, ἡ κάτω κοιλίη ὑγιαίνοι ἄν. Εἰ δὲ εἰή ὑγρὸν τὸ διαχώρημα, ξυμφέρει μήτε τρύζειν, μήτε πυκνόν τι εἶναι, καὶ κατ’ ὀλίγον ὑποχωρέειν‧ κοπιῶν γὰρ ὁ ἄνθρωποσ ὑπὸ τῆσ ξυνεχέοσ ἐξαναστάσιοσ ἀγρυπνοίη ἄν‧ εἰ δὲ ἀθρόον πολλάκισ διαχωρέει, κίνδυνοσ λειποθυμῆσαι. Ἀλλὰ χρὴ κατὰ τὸ πλῆθοσ τῶν ἐσιόντων ἢ δὶσ ἢ τρὶσ τῆσ ἡμέρησ ὑποχωρέειν, καὶ τῆσ νυκτὸσ ἅπαξ, πλείονα δ’ ἐπὶ τὸ πρωϊ, ὥσπερ ξύνηθέσ ἐστι τῷ ἀνθρώπῳ. Παχύνεσθαι δὲ χρὴ τὸ διαχώρημα, ἰούσησ πρὸσ κρίσιν τῆσ νούσου. ὙπόπυῤῬον δὲ ἔστω καὶ μὴ λίην δυσῶδεσ. Ἐπιτήδειον δὲ καὶ ἕλμινθασ στρογγύλασ διεξιέναι μετὰ τοῦ διαχωρήματοσ, πρὸσ κρίσιν ἰούσησ τῆσ νούσου. Δεῖ δὲ ἐν παντὶ τῷ νουσήματι λαπαρὴν τὴν κοιλίην εἶναι καὶ εὐόγκον. Ὑδαρὲσ δὲ κάρτα, ἢ λευκὸν, ἢ χλωρὸν, ἢ ἐρυθρὸν ἰσχυρῶσ, ἢ ἀφρῶδεσ διαχωρέειν, πονηρὰ ταῦτα πάντα. Ἔτι δὲ πονηρὸν, καὶ σμικρόν τε ἐὸν, καὶ γλισχρὸν, καὶ λευκὸν, καὶ ὑπόχλωρον, καὶ λεῖον. Τουτέων δὲ θανατωδέστερα ἂν εἰή τὰ μέλανα, ἢ λιπαρὰ, ἢ πελιὰ, ἢ ἰώδεα, ἢ κάκοδμα. Τὰ δὲ ποικίλα, χρονιώτερα μὲν τουτέων, ὀλέθρια δὲ οὐδὲν ἧσσον‧ ἔστι δὲ τὰ τοιαῦτα ξυσματώδεα, καὶ χολώδεα, καὶ πρασοειδέα, καὶ μέλανα, ποτὲ μὲν ὁμοῦ διεξερχόμενα ἀλλήλοισι, ποτὲ δὲ κατὰ μέροσ. Φῦσαν δὲ ἄνευ ψόφου καὶ περδήσιοσ διεξιέναι ἄριστον‧ κρέσσον δὲ καὶ ξὺν ψόφῳ διελθεῖν ἢ αὐτοῦ ἀνειλέεσθαι‧ καὶ οὕτω διελθοῦσα σημαίνει ἢ πονέειν τι τὸν ἄνθρωπον, ἢ παραφρονέειν, ἢν μὴ ἑκὼν ὁ ἄνθρωποσ οὕτω τὴν ἄφεσιν τῆσ φύσησ ποιήσηται. Τοὺσ δὲ ἐκ τῶν ὑποχονδρίων πόνουσ τε καὶ κυρτώματα, ἢν ᾖ νεαρὰ καὶ μὴ ξὺν φλεγμονῇ, λύει βορβορυγμὸσ ἐγγενόμενοσ ἐν τῷ ὑποχονδρίῳ, καὶ μάλιστα μὲν διεξιὼν ξὺν κόπρῳ τε καὶ οὔρῳ καὶ φύσῃ, ἢν δὲ μὴ, καὶ αὐτὸσ δὴ περαιωθεὶσ ὠφελέει‧ ὠφελέει δὲ καὶ ὑποκαταβὰσ ἐσ τὰ κάτω χωρία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 11.

(히포크라테스, Oeuvres Completes D'Hippocrate., PROGNWSTIKON, 11.)

상위

목록

SEARCH

MENU NAVIGATION