Flavius Josephus, Antiquitates Judaicae, Book 6 263:

Ἔμελλε δὲ οὐκ ἐπὶ πολὺ τοῖσ γεγενημένοισ ἐμμένειν Σαοῦλοσ ἄρα· ὁρῶν γὰρ τὸν Δαυίδην παρὰ τῷ θεῷ καὶ παρὰ τοῖσ ὄχλοισ εὐδοκιμοῦντα κατέδεισε, καὶ τὸν φόβον οὐκ ἔχων ἀποκρύψασθαι περὶ μεγάλων ὄντα βασιλείασ τε καὶ ζωῆσ, ὧν καὶ θατέρου στερηθῆναι συμφορὰ δεινή, κτείνειν τὸν Δαυίδην διεγνώκει καὶ προστάσσει τὴν ἀναίρεσιν αὐτοῦ Ιὠνάθῃ τῷ παιδὶ καὶ τοῖσ πιστοτάτοισ τῶν οἰκετῶν.