헬라어 문장 검색 - Διονψσ́ΔεΤηυξψ́32́

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 32)

σκολιώτερα δὲ τούτων ἐστὶ καὶ ἃ μετὰ ταῦτα τίθησιν· ἐν δὲ τῷ παρατυχόντι ὁ φθάσασ θαρρῆσαι εἰ ἴδοι ἄφρακτον, ἥδιον διὰ τὴν πίστιν ἐτιμωρεῖτο ἢ ἀπὸ τοῦ προφανοῦσ· καὶ τό τε ἀσφαλὲσ ἐλογίζετο, καὶ ὅτι ἀπάτῃ περιγενόμενοσ συνέσεωσ ἀγώνισμα προσελάμβανε· τὸ δὴ παρατυχόν ἀντὶ τοῦ παραχρῆμα κεῖται, τό τε ἄφρακτον ἀντὶ τοῦ ἀφυλάκτου καὶ τὸ ἥδιον τιμωρεῖσθαι διὰ τὴν πίστιν μᾶλλον ἢ ἀπὸ τοῦ προφανοῦσ σκοτεινῶσ περιπέφρασται, καὶ ἐλλείπει τι μόριον εἰσ τὸ συμπληρωθῆναι τὴν νόησιν. εἰκάζειν δὲ ἔστιν, ὅτι τοῦτο βούλεται λέγειν· εἰ δέ που παρατύχοι τινὶ καιρὸσ καὶ μάθοι τὸν ἐχθρὸν ἀφύλακτον, ἥδιον ἐτιμωρεῖτο, ὅτι πιστεύσαντι ἐπέθετο μᾶλλον ἢ φυλαττομένῳ· καὶ συνέσεωσ δόξαν προσελάμβανε, τό τε ἀσφαλὲσ λογιζόμενοσ καὶ ὅτι διὰ τὴν ἀπάτην αὐτοῦ περιεγένετο. ῥᾷον δ’ οἱ πολλοὶ κακοῦργοι φησίν ὄντεσ δεξιοὶ κέκληνται ἢ ἀμαθεῖσ ἀγαθοί, καὶ τῷ μὲν αἰσχύνονται, ἐπὶ δὲ τῷ ἀγάλλονται· οὔτε γὰρ ἐπὶ τοῖσ κακούργοισ οἱ ἀγαθοὶ ἀγάλλονται οὔτ’ ἐπὶ τοῖσ ἀμαθέσιν οἱ κακοῦργοι αἰσχύνονται. ταῦτα γὰρ ἀγκύλωσ μὲν εἴρηται καὶ βραχέωσ, ἐν ἀφανεῖ δὲ κείμενον ἔχει τὸ σημαινόμενον. χαλεπὸν γὰρ μαθεῖν, τίνασ δή ποτε νοεῖ τοὺσ ἀμαθεῖσ τε καὶ ἀγαθούσ· εἴ τε γὰρ ἀντιδιαστέλλεται πρὸσ τοὺσ κακούργουσ, οὐκ ἂν εἰήσαν ἀμαθεῖσ οἱ μὴ κακοί· εἴ τ’ ἐπὶ τῶν ἀνοήτων καὶ ἀφρόνων τίθησι τοὺσ ἀμαθεῖσ, κατὰ τί δή ποτε τούτουσ ἀγαθοὺσ καλεῖ; καὶ τῷ μὲν αἰσχύνονται τίνεσ; ἄδηλον γὰρ πότερον ἀμφότεροι ἢ οἱ ἀμαθεῖσ. ἐπὶ δὲ τῷ ἀγάλλονται κἀνταῦθα ἄδηλον, τίνεσ· εἰ μὲν γὰρ ἐπ’ ἀμφοτέρων τίθησιν, οὐκ ἔχει νοῦν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 32

(디오니시오스, Δε Τηυξψδιδισ ιδιοματιβυσ ̔επιστυλα αδ Αμμαευμ̓, chapter 32)

상위

목록

SEARCH

MENU NAVIGATION