헬라어 문장 검색 - Διονψσ́Αντιθυί3́12́

(디오니시오스, Antiquitates Romanae, book 3, chapter 12)

τὰ μὲν δὴ λεχθέντα περὶ τῆσ ἡγεμονίασ τῶν πόλεων δικαιώματα ὑπ’ ἀμφοτέρων τῶν στρατηγῶν τοιάδε ἦν· τέλοσ δὲ τοῖσ λόγοισ αὐτῶν ἠκολούθησεν οἱο͂ν ὁ Ῥωμαῖοσ ὑπετίθετο. συλλόγῳ παρόντεσ Ἀλβανῶν τε καὶ Ῥωμαίων ταχεῖαν ἀπαλλαγὴν τοῦ πολέμου ποιήσασθαι ζητοῦντεσ ὅπλοισ τὸ νεῖκοσ ἔγνωσαν διελεῖν.

συγχωρηθέντοσ δὲ καὶ τούτου περὶ τοῦ πλήθουσ τῶν ἀγωνιουμένων ζήτησισ ἐγίνετο οὐ τὴν αὐτὴν ἑκατέρου τῶν στρατηγῶν διάνοιαν ἀποδεικνυμένου. Τύλλοσ μὲν γὰρ ἐβούλετο ἐν ἐλαχίστοισ σώμασι γενέσθαι τὴν τοῦ πολέμου κρίσιν ἑνὸσ Ἀλβανοῦ τοῦ λαμπροτάτου πρὸσ ἕνα Ῥωμαῖον τὸν ἄριστον μονομαχήσοντοσ καὶ πρόθυμοσ ἦν αὐτὸσ ὑπὲρ τῆσ ἑαυτοῦ πατρίδοσ ἀγωνίσασθαι προκαλούμενοσ εἰσ τὴν ὁμοίαν φιλοτιμίαν τὸν Ἀλβανόν, καλοὺσ ἀποφαίνων τοῖσ ἀνειληφόσι τὰσ τῶν στρατοπέδων ἡγεμονίασ τοὺσ ὑπὲρ ἀρχῆσ καὶ δυναστείασ ἀγῶνασ, οὐ μόνον ἐὰν νικήσωσιν ἀγαθοὺσ ἄνδρασ, ἀλλὰ κἂν αὐτοὶ κρατηθῶσιν ὑπ’ ἀγαθῶν, καὶ διεξιὼν ὅσοι στρατηγοὶ καὶ βασιλεῖσ τὰσ ἑαυτῶν ψυχὰσ προκινδυνεῦσαι τῶν κοινῶν παρέσχον δεινὸν ἡγούμενοι τῶν μὲν τιμῶν πλέον αὐτοὶ φέρεσθαι, τῶν δὲ πόνων ἔλαττον.

τοῖσ μὲν ἡγουμένοισ τῶν στρατοπέδων ὅταν ἰδίαν κατασκευάζωνται δυναστείαν καλὸσ καὶ ἀναγκαῖόσ ἐστιν ὁ περὶ τῆσ ἀρχῆσ πρὸσ ἀλλήλουσ ἀγών, ταῖσ δὲ πόλεσιν αὐταῖσ ἐπειδὰν ὑπὲρ τῶν πρωτείων διαφέρωνται πρὸσ ἀλλήλασ οὐ μόνον σφαλερὸσ ἀλλὰ καὶ αἰσχρὸσ ὁ διὰ μονομαχίασ κίνδυνοσ, ἐάν τε τῆσ κρείττονοσ λάβωνται τύχησ ἐάν τε τῆσ χείρονοσ.

τρεῖσ δὲ ἄνδρασ ἐπιλέκτουσ ἀφ’ ἑκατέρασ πόλεωσ συνεβούλευεν ὑπὸ τὴν ἁπάντων ὄψιν Ἀλβανῶν τε καὶ Ῥωμαίων διαγωνίσασθαι.

ἐπιτηδειότατον γὰρ εἶναι τόνδε τὸν ἀριθμὸν εἰσ ἅπασαν ἀμφισβητουμένου πράγματοσ διαίρεσιν ἀρχήν τε καὶ μέσα καὶ τελευτὴν ἔχοντα ἐν ἑαυτῷ. ταύτῃ προσθεμένων τῇ γνώμῃ Ῥωμαίων τε καὶ Ἀλβανῶν ὅ τε σύλλογοσ διελύθη καὶ ἐπὶ τοὺσ ἰδίουσ ἀπῄεσαν ἑκάτεροι χάρακασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 12

(디오니시오스, Antiquitates Romanae, book 3, chapter 12)

상위

목록

SEARCH

MENU NAVIGATION