헬라어 문장 검색 - Διονψσ́Αντιθυί3́07́

(디오니시오스, Antiquitates Romanae, book 3, chapter 7)

ταῦτα δὴ μαθὼν ὁ Φουφέττιοσ ἔτι μᾶλλον ἔσπευσε ποιήσασθαι τὰσ διαλύσεισ, ὡσ οὐδὲ αἱρέσεωσ ἔτι τοῦ μὴ ταῦτα πράττειν σφίσι καταλειπομένησ. ἐγεγόνει δὲ καὶ τῷ βασιλεῖ τῶν Ῥωμαίων ὑπὲρ τῆσ συνωμοσίασ ταύτησ μήνυσισ παρὰ τῶν ἐκ Φιδήνησ φίλων, ὥστ’ οὐδ’ αὐτὸσ ἔτι διαμελλήσασ δέχεται τὰσ τοῦ Φουφεττίου προκλήσεισ. ἐπεὶ δὲ συνῆλθον εἰσ τὸ μεταξὺ τῶν στρατοπέδων χωρίον ἐπαγόμενοι συμβούλουσ ἑκάτεροι τοὺσ φρονῆσαι τὰ δέοντα ἱκανούσ, ἀσπασάμενοι πρῶτον ἀλλήλουσ ὡσ πρότερον εἰώθεσαν καὶ φιλοφρονηθέντεσ τὰσ ἑταιρικάσ τε καὶ συγγενικὰσ φιλοφροσύνασ διελέγοντο περὶ τῶν διαλύσεων. ἤρχετο δ’ ὁ Ἀλβανὸσ πρότεροσ τοιάδε λέγων·

ἀναγκαῖον εἶναί μοι δοκεῖ τὰσ αἰτίασ πρῶτον ἐπιδεῖξαι, δἰ ὰσ ἐγὼ πρῶτοσ ἠξίωσα περὶ καταλύσεωσ τοῦ πολέμου διαλέγεσθαι, οὔτε μάχῃ κρατηθεὶσ ὑφ’ ὑμῶν οὔτ’ ἐπισιτισμοὺσ εἰσάγεσθαι κωλυόμενοσ οὔτε εἰσ ἄλλην κατακεκλεισμένοσ ἀνάγκην οὐδεμίαν, ἵνα μή με ὑπολάβητε τῆσ μὲν οἰκείασ δυνάμεωσ ἀσθένειαν κατεγνωκότα, τὴν δὲ ὑμετέραν ἰσχὺν δυσκαταγώνιστον εἶναι νομίζοντα εὐπρεπῆ ζητεῖν ἀπαλλαγὴν τοῦ πολέμου.

ἀφόρητοι γὰρ ἂν γένοισθε ὑπὸ βαρύτητοσ, εἴ τι πεισθείητε περὶ ἡμῶν τοιοῦτον, καὶ οὐθὲν ἂν τῶν μετρίων ὑπομείναιτε ποιεῖν, ὡσ κρατοῦντεσ ἤδη τῷ πολέμῳ. ἵνα δὴ μὴ τὰσ ψευδεῖσ αἰτίασ εἰκάζητε περὶ τῆσ ἐμῆσ προαιρέσεωσ, δι’ ἃσ ἀξιῶ καταλύσασθαι τὸν πόλεμον, ἀκούσατε τὰσ ἀληθεῖσ· ἐγὼ στρατηγὸσ ἀποδειχθεὶσ ὑπὸ τῆσ πατρίδοσ αὐτοκράτωρ ἅμα τῷ παραλαβεῖν τὴν ἀρχὴν ἐσκόπουν τίνεσ ἦσαν αἱ συνταράξασαι τὰσ πόλεισ ἡμῶν προφάσεισ.

φιλίαν καὶ συγγένειαν οὐ τὰ κράτιστα ἡγούμην οὔτε Ἀλβανοὺσ οὔτε ὑμᾶσ βουλεύσασθαι.

ἔτι δὲ μᾶλλον ἔγνων τοῦτο καὶ πολλὴν κατέγνων ἀμφοτέρων ἡμῶν μανίαν, ἐπειδὴ παρῆλθον ἐπὶ τὰ πράγματα καὶ πεῖραν ἐλάμβανον τῆσ ἑκάστου προαιρέσεωσ.

οὔτε γὰρ ἐν τοῖσ ἰδίοισ οὔτ’ ἐν τοῖσ κοινοῖσ συλλόγοισ ὁμονοοῦντασ ὑπὲρ τοῦ πολέμου πάντασ Ἀλβανοὺσ ἑώρων, μακρῷ δέ τινι τῶν ἐξ ἀνθρωπίνου λογισμοῦ καταλαμβανομένων χαλεπῶν τὰ δαιμόνια σημεῖα, ὁπότε χρησαίμην σφαγίοισ περὶ μάχησ, χαλεπώτερα γινόμενα πολλὴν δυσθυμίαν παρεῖχέ μοι καὶ ἀμηχανίαν. ἐνθυμούμενοσ δὴ ταῦτα τῆσ μὲν ἐπὶ τοὺσ ἀγῶνασ ὁρμῆσ ἐπέσχον, ἀναβολὰσ δὲ καὶ διατριβὰσ ἐποιούμην τοῦ πολέμου προτέρουσ ὑμᾶσ οἰόμενοσ ἄρξειν τῶν περὶ φιλίασ λόγων·

καὶ ἔδει γε, ὦ Τύλλε, τοῦτο ποιεῖν ὑμᾶσ ἀποίκουσ ὄντασ ἡμῶν καὶ μὴ περιμένειν ἑώσ ἡ μητρόπολισ ἄρξῃ.

ὅσησ γὰρ ἀξιοῦσι τιμῆσ τυγχάνειν οἱ πατέρεσ παρὰ τῶν ἐκγόνων, τοσαύτησ οἱ κτίσαντεσ τὰσ πόλεισ παρὰ τῶν ἀποίκων. ἐν ᾧ δὲ ἡμεῖσ ἐμέλλομεν καὶ παρετηροῦμεν ἀλλήλουσ, πότεροι τῶν εὐγνωμόνων ἄρξουσι λόγων, ἑτέρα τισ ἡμᾶσ ἀνάγκη κρείττων ἅπαντοσ ἀνθρωπίνου λογισμοῦ περιλαβοῦσα συνάγει·

ἣν ἐγὼ πυθόμενοσ ἔτι λανθάνουσαν ὑμᾶσ οὐκέτ’ ᾠόμην δεῖν τῆσ εὐπρεπείασ τῶν διαλλαγῶν στοχάζεσθαι. πράγματα πυρὸσ ἢ ποταμοῦ δίκην ἐμπεσών.

δημιουργοὶ δὲ τῶν ἀνοσίων βουλευμάτων εἰσὶν οἱ δυνατώτατοι Φιδηναίων τε καὶ Οὐιεντανῶν συνελθόντεσ. ὅστισ δὲ ὁ τῆσ ἐπιβουλῆσ αὐτῶν τρόποσ ἦν καὶ πόθεν εἰσ ἐμὲ ἡ τῶν ἀπορρήτων βουλευμάτων γνῶσισ ἐλήλυθεν ἀκούσατε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 7

(디오니시오스, Antiquitates Romanae, book 3, chapter 7)

상위

목록

SEARCH

MENU NAVIGATION