헬라어 문장 검색 - Διονψσ́Αντιθυί3́02́

(디오니시오스, Antiquitates Romanae, book 3, chapter 2)

πολεμικαὶ δὲ πράξεισ πολλαὶ μὲν καὶ ἄλλαι μνημονεύονται, <μέγισται δὲ> περὶ ὧν ἔρχομαι λέξων τὴν ἀρχὴν ποιησάμενοσ ἀπὸ τοῦ πρὸσ Ἀλβανοὺσ πο‐ λέμου. αἴτιοσ δὲ τοῦ διαστῆναι τὰσ πόλεισ καὶ λῦσαι τὸ συγγενὲσ ἀνὴρ Ἀλβανὸσ ἐγένετο Κλοίλιοσ ὄνομα τῆσ μεγίστησ ἀρχῆσ ἀξιωθείσ, ὃσ ἀχθόμενοσ ἐπὶ τοῖσ Ῥωμαίων ἀγαθοῖσ καὶ κατέχειν τὸν φθόνον οὐ δυνά‐ μενοσ φύσει τε αὐθάδησ καὶ ὑπομαργότεροσ ὢν ἐκ‐ πολεμῶσαι τὰσ πόλεισ ἔγνω πρὸσ ἀλλήλασ. οὐχ ὁρῶν δὲ ὅπωσ ἂν πείσειε τοὺσ Ἀλβανοὺσ στρατὸν αὑτῷ κατὰ Ῥωμαίων ἄγειν ἐπιτρέψαι μήτε δικαίασ ἔχοντι προ‐ φάσεισ μήτε ἀναγκαίασ, μηχανᾶται δή τι τοιόνδε·

τοῖσ ἀπορωτάτοισ Ἀλβανῶν καὶ θρασυτάτοισ ἐφῆκε λῃ‐ στεύειν τοὺσ Ῥωμαίων ἀγροὺσ ἄδειαν ὑπισχνούμενοσ καὶ παρεσκεύασε πολλοὺσ ἀκίνδυνα κέρδη διώκοντασ, ὧν οὐδὲ κωλυόμενοι ὑπὸ τοῦ δέουσ ἀποστήσεσθαι ἔμελλον, ἐμπλῆσαι πολέμου λῃστρικοῦ τὴν ὅμορον. τοῦτο δ’ ἔπραττε κατὰ λογισμὸν οὐκ ἀπεικότα, ὡσ τὸ ἔργον ἐμαρτύρησε.

Ῥωμαίουσ μὲν γὰρ οὐκ ἀνέξεσθαι τὰσ ἁρπαγὰσ ὑπελάμβανεν, ἀλλ’ ἐπὶ τὰ ὅπλα χωρή‐ σειν, αὑτῷ δ’ ἐξουσίαν ἔσεσθαι κατηγορεῖν αὐτῶν πρὸσ τὸν δῆμον ὡσ ἀρχόντων πολέμου, Ἀλβανῶν δὲ τοὺσ πλείστουσ φθονοῦντασ τοῖσ ἀποίκοισ τῆσ εὐτυ‐ χίασ δέξεσθαι τὰσ διαβολὰσ ἀσμένουσ καὶ τὸν κατ’ αὐτῶν πόλεμον ἐξοίσειν, ὅπερ καὶ συνέβη. ἀγόντων γὰρ καὶ φερόντων ἀλλήλουσ τῶν κακουργοτάτων ἐξ ἑκατέρασ πόλεωσ καὶ στρατιᾶσ ποτε Ῥωμαϊκῆσ ἐμβα‐ λούσησ εἰσ τὴν Ἀλβανῶν, ὑφ’ ἧσ πολλοὶ τῶν λῃστῶν οἱ μὲν ἀνῃρέθησαν, οἱ δὲ συνελήφθησαν, συγκαλέ‐ σασ τὸ πλῆθοσ εἰσ ἐκκλησίαν ὁ Κλοίλιοσ, ἐν ᾗ πολλὴν ἐποιήσατο τῶν Ῥωμαίων κατηγορίαν, τραυματίασ τε συχνοὺσ ἐπιδεικνύμενοσ καὶ τοὺσ προσήκοντασ τοῖσ ἡρπασμένοισ ἢ τεθνηκόσι παράγων καὶ πλείω τῶν γεγονότων ἐπικαταψευδόμενοσ, πρεσβείαν πέμπειν πρῶτον ἐψηφίσατο δίκασ αἰτήσουσαν τῶν γεγονότων·

ἐὰν δὲ ἀγνωμονῶσι Ῥωμαῖοι τότε τὸν πόλεμον ἐπ’ αὐτοὺσ ἐκφέρειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 2

(디오니시오스, Antiquitates Romanae, book 3, chapter 2)

상위

목록

SEARCH

MENU NAVIGATION