Demosthenes, Speeches 41-50, Κατὰ Εὐέργου καὶ Μνησιβούλου Ψευδομαρτυριῶν 21:

ἐπειδὴ τοίνυν σοι τότε οὐ παρῆν ἡ ἄνθρωποσ, ἀλλὰ πρότερον ἐσημάνθησαν οἱ ἐχῖνοι, ὕστερον ἔστιν ὅπου ἤγαγεσ τὴν ἄνθρωπον εἰσ τὴν ἀγορὰν ἢ εἰσ τὸ δικαστήριον; εἰ γὰρ μὴ τότε σοι παρεγένετο, ὕστερον δήπου ἔδει παραδιδόναι, καὶ μάρτυρασ ποιεῖσθαι ὡσ ἐθέλεισ ἐν τῇ ἀνθρώπῳ τὸν ἔλεγχον γίγνεσθαι, καθάπερ προὐκαλέσω, προκλήσεώσ τε ἐμβεβλημένησ σοι καὶ μαρτυρίασ ὡσ ἤθελεσ παραδιδόναι τὴν ἄνθρωπον. μέλλων τοίνυν εἰσιέναι τὴν δίκην ἔστιν ὅπου τὴν ἄνθρωπον εἰσήγαγεσ πρὸσ τὸ δικαστήριον;