Demosthenes, Speeches 41-50, Κατὰ Στεφάνου Ψευδομαρτυριῶν Α 82:

ἐφ’ ᾧ τοίνυν, ὦ ἄνδρεσ Ἀθηναῖοι, μάλιστ’ ἀπολωλέναι δίκαιόσ ἐστιν οὑτοσὶ Στέφανοσ, τοῦτ’ ἀκούσατέ μου. δεινὸν μὲν γάρ ἐστιν εἰ καὶ καθ’ ὅτου τισ οὖν τὰ ψευδῆ μαρτυρεῖ, πολλῷ δὲ δεινότερον καὶ πλείονοσ ὀργῆσ ἄξιον εἰ κατὰ τῶν συγγενῶν· οὐ γὰρ τοὺσ γεγραμμένουσ νόμουσ ὁ τοιοῦτοσ ἄνθρωποσ μόνον, ἀλλὰ καὶ τὰ τῆσ φύσεωσ οἰκεῖ’ ἀναιρεῖ.