Demosthenes, Speeches, Κατὰ Φιλίππου Δ 31:

ἀλλ’ ἣν μὲν ἄν τισ ἐλευθέρων ἀνθρώπων ἀνάγκην εἴποι, οὐ μόνον ἤδη πάρεστιν, ἀλλὰ καὶ πάλαι παρελήλυθε, τὴν δὲ τῶν δούλων ἀπεύχεσθαι δήπου μὴ γενέσθαι δεῖ. διαφέρει δὲ τί; ὅτι ἐστὶν ἐλευθέρῳ μὲν ἀνθρώπῳ μεγίστη ἀνάγκη ἡ ὑπὲρ τῶν γιγνομένων αἰσχύνη, καὶ μείζω ταύτησ οὐκ οἶδ’ ἥντιν’ ἂν εἴποι τισ· δούλῳ δὲ πληγαὶ χὠ τοῦ σώματοσ αἰκισμόσ, ὃ μήτε γένοιτο οὔτε λέγειν ἄξιον.