헬라어 문장 검색 - Αρριαν́Αναβασί7́15́

(아리아노스, Anabasis, book 7, chapter 15)

Χρόνοσ τε ἦν συχνὸσ τῷ πένθει καὶ αὐτόσ τε αὑτὸν ἤδη μετεκάλει ἀπ̓ αὐτοῦ καὶ οἱ ἑταῖροι μᾶλλόν τι ἐν τῷ τοιῷδε ἤνυτον. ἔνθα δὴ ἐξέλασιν ποιεῖται ἐπὶ Κοσσαίουσ, ἔθνοσ πολεμικὸν ὅμορον τῷ Οὐξίων. εἰσὶ δὲ ὄρειοι οἱ Κοσσαῖοι καὶ χωρία ὀχυρὰ κατὰ κώμασ νέμονται, ὁπότε προσάγοι δύναμισ ἐσ τὰ ἄκρα τῶν ὀρῶν ἀποχωροῦντεσ ἀθρόοι ἢ ὅπωσ ἂν προχωρῇ ἑκάστοισ οὕτω διαφεύγουσιν, ἐσ ἀπορίαν βάλλοντεσ τοὺσ ξὺν δυνάμει σφίσιν ἐπιχειροῦντασ·

ἀπελθόντων δὲ αὖθισ εἰσ τὸ λῃστεύειν τρεπόμενοι ἀπὸ τούτου τὸν βίον ποιοῦνται. Ἀλέξανδροσ δὲ ἐξεῖλεν αὐτῶν τὸ ἔθνοσ καίπερ χειμῶνοσ στρατεύσασ.

ἀλλ̓ οὔτε ὁ χειμὼν ἐμποδὼν ἐγένετο αὐτῷ οὔτε αἱ δυσχωρίαι, οὔτε αὐτῷ οὔτε Πτολεμαίῳ τῷ Λάγου, ὃσ μέροσ τῆσ στρατιᾶσ ἐπ̓ αὐτοὺσ ἦγεν. οὕτωσ οὐδὲν ἄπορον Ἀλεξάνδρῳ τῶν πολεμικῶν ἦν ἐσ ὅ τι ὁρμήσειε. Κατιόντι δὲ αὐτῷ ἐσ Βαβυλῶνα Λιβύων τε πρεσβεῖαι ἐνετύγχανον ἐπαινούντων τε καὶ στεφανούντων ἐπὶ τῇ βασιλείᾳ τῆσ Ἀσίασ, καὶ ἐξ Ἰταλίασ Βρέττιοί τε καὶ Λευκανοὶ καὶ Τυρρηνοὶ ἐπὶ τοῖσ αὐτοῖσ ἐπρέσβευον.

καὶ Καρχηδονίουσ τότε πρεσβεῦσαι λέγεται καὶ ἀπὸ Αἰθιόπων πρέσβεισ ἐλθεῖν καὶ Σκυθῶν τῶν ἐκ τῆσ Εὐρώπησ, καὶ Κελτοὺσ καὶ Ἴβηρασ, ὑπὲρ φιλίασ δεησομένουσ· ὧν τά τε ὀνόματα καὶ τὰσ σκευὰσ τότε πρῶτον ὀφθῆναι πρὸσ Ἑλλήνων τε καὶ Μακεδόνων. τοὺσ δὲ καὶ ὑπὲρ τῶν ἐσ ἀλλήλουσ διαφορῶν λέγουσιν ὅτι Ἀλεξάνδρῳ διακρῖναι ἐπέτρεπον·

καὶ τότε μάλιστα αὐτόν τε αὑτῷ Ἀλέξανδρον καὶ τοῖσ ἀμφ̓ αὐτὸν φανῆναι γῆσ τε ἁπάσησ καὶ θαλάσσησ κύριον. Ἄριστοσ δὲ καὶ Ἀσκληπιάδησ τῶν τὰ Ἀλεξάνδρου ἀναγραψάντων καὶ Ῥωμαίουσ λέγουσιν ὅτι ἐπρέσβευσαν· καὶ ἐντυχόντα ταῖσ πρεσβείαισ Ἀλέξανδρον ὑπὲρ Ῥωμαίων τι τῆσ ἐσ τὸ ἔπειτα ἐσομένησ δυνάμεωσ μαντεύσασθαι, τόν τε κόσμον τῶν ἀνδρῶν ἰδόντα καὶ τὸ φιλόπονόν τε καὶ ἐλευθέριον καὶ περὶ τοῦ πολιτεύματοσ ἅμα διαπυνθανόμενον. καὶ τοῦτο οὔτε ὡσ ἀτρεκὲσ οὔτε ὡσ ἄπιστον πάντῃ ἀνέγραψα·

πλήν γε δὴ οὔτε τισ Ῥωμαίων ὑπὲρ τῆσ πρεσβείασ ταύτησ ὡσ παρὰ Ἀλέξανδρον σταλείσησ μνήμην τινὰ ἐποιήσατο, οὔτε τῶν τὰ Ἀλεξάνδρου γραψάντων, οἷστισι μᾶλλον ἐγὼ ξυμφέρομαι, Πτολεμαῖοσ ὁ Λάγου καὶ Ἀριστόβουλοσ· οὐδὲ τῷ Ῥωμαίων πολιτεύματι ἐπεοικὸσ ἦν ἐλευθέρῳ δὴ τότε ἐσ τὰ μάλιστα ὄντι, παρὰ βασιλέα ἀλλόφυλον ἄλλωσ τε καὶ ἐσ τοσόνδε ἀπὸ τῆσ οἰκείασ πρεσβεῦσαι, οὔτε φόβου ἐξαναγκάζοντοσ οὔτε κατ̓ ἐλπίδα ὠφελείασ, μίσει τε, εἴπερ τινὰσ ἄλλουσ, τοῦ τυραννικοῦ γένουσ τε καὶ ὀνόματοσ κατεχομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 15

(아리아노스, Anabasis, book 7, chapter 15)

상위

목록

SEARCH

MENU NAVIGATION