헬라어 문장 검색 - Αρριαν́Αναβασί7́11́

(아리아노스, Anabasis, book 7, chapter 11)

Ταῦτα εἰπὼν κατεπήδησέ τε ἀπὸ τοῦ βήματοσ ὀξέωσ καὶ ἐσ τὰ βασίλεια παρελθὼν οὔτε ἐθεράπευσε τὸ σῶμα οὔτε τῳ ὤφθη τῶν ἑταίρων· ἀλλ̓ οὐδὲ ἐσ τὴν ὑστεραίαν ὤφθη. τῇ τρίτῃ δὲ καλέσασ εἴσω τῶν Περσῶν τοὺσ ἐπιλέκτουσ τάσ τε ἡγεμονίασ αὐτοῖσ τῶν τάξεων διένειμε καὶ ὅσουσ συγγενεῖσ ἀπέφηνε, τούτοισ δὲ νόμιμον ἐποίησε φιλεῖν αὐτὸν μόνοισ. οἱ δὲ Μακεδόνεσ ἔν τε τῷ παραυτίκα ἀκούσαντεσ τῶν λόγων ἐκπεπληγμένοι σιγῇ ἔμενον αὐτοῦ πρὸσ τῷ βήματι οὐδέ τισ ἠκολούθησε τῷ βασιλεῖ ἀπαλλαττομένῳ ὅτι μὴ οἱ ἀμφ̓ αὐτὸν ἑταῖροί τε καὶ οἱ σωματοφύλακεσ, οἱ δὲ πολλοὶ οὔτε μένοντεσ ὅ τι πράττωσιν ἢ λέγωσιν εἶχον, οὔτε ἀπαλλάσσεσθαι ἤθελον.

ὡσ δὲ τὰ Περσῶν τε καὶ Μήδων αὐτοῖσ ἐξηγγέλλετο, αἵ τε ἡγεμονίαι Πέρσαισ διδόμεναι καὶ ἡ στρατιὰ ἡ βαρβαρικὴ ἐσ λόχουσ τε καταλεγομένη καὶ τὰ Μακεδονικὰ ὀνόματα ἄγημά τι Περσικὸν καλούμενον καὶ πεζέταιροι Πέρσαι [καὶ ἀσθέτεροι ἄλλοι] καὶ ἀργυρασπίδων τάξισ Περσικὴ καὶ ἡ τῶν ἑταίρων ἵπποσ καὶ ταύτησ ἄλλο ἄγημα βασιλικόν, οὐκέτι καρτεροὶ σφῶν ἦσαν, ἀλλὰ ξυνδραμόντεσ ὡσ πρὸσ τὰ βασίλεια τὰ μὲν ὅπλα αὐτοῦ πρὸ τῶν θυρῶν ἐρρίπτουν, ἱκετηρίασ ταύτασ τῷ βασιλεῖ, αὐτοὶ δ̓ ἐβόων πρὸ τῶν θυρῶν ἑστηκότεσ δεόμενοι παρελθεῖν εἴσω·

τούσ τε αἰτίουσ τῆσ ἐν τῷ τότε ταραχῆσ καὶ τοὺσ ἄρξαντασ τῆσ βοῆσ ἐκδιδόναι ἐθέλειν·

οὔκουν ἀπαλλαγήσεσθαι τῶν θυρῶν οὔτε ἡμέρασ οὔτε νυκτόσ, εἰ μή τινα οἶκτον σφῶν ἕξει Ἀλέξανδροσ. Ταῦτα ὡσ ἀπηγγέλλετο αὐτῷ, ὁ δὲ σπουδῇ ἐξέρχεται καὶ ἰδών τε ταπεινῶσ διακειμένουσ καὶ ἀκούσασ σὺν οἰμωγῇ τῶν πολλῶν βοώντων καὶ αὐτῷ προχεῖται δάκρυα.

καὶ ὁ μὲν ἀνήγετο ὥσ τι ἐρῶν, οἱ δὲ ἔμενον λιπαροῦντεσ. καί τισ αὐτῶν καθ̓ ἡλικίαν τε καὶ ἱππαρχίαν τῆσ ἵππου τῆσ ἑταιρικῆσ οὐκ ἀφανήσ, Καλλίνησ ὄνομα, τοιαῦτα εἶπεν·

ὦ βασιλεῦ, τὰ λυποῦντά ἐστι Μακεδόνασ ὅτι σὺ Περσῶν μέν τινασ ἤδη πεποίησαι σαυτῷ συγγενεῖσ καὶ καλοῦνται Πέρσαι συγγενεῖσ Ἀλεξάνδρου καὶ φιλοῦσί σε, Μακεδόνων δὲ οὔπω τισ γέγευται ταύτησ τῆσ τιμῆσ. ἔνθα δὴ ὑπολαβὼν Ἀλέξανδροσ, ἀλλ̓ ὑμᾶσ τε, ἔφη, ξύμπαντασ ἐμαυτῷ τίθεμαι συγγενεῖσ καὶ τό γε ἀπὸ τούτου οὕτωσ καλέσω.

ταῦτα εἰπόντα προσελθὼν ὁ Καλλίνησ τε ἐφίλησε καὶ ὅστισ ἄλλοσ φιλῆσαι ἠθέλησε. καὶ οὕτω δὴ ἀναλαβόντεσ τὰ ὅπλα βοῶντέσ τε καὶ παιωνίζοντεσ ἐσ τὸ στρατόπεδον ἀπῄεσαν. Ἀλέξανδροσ δὲ ἐπὶ τούτοισ θυσίαν τε θύει τοῖσ θεοῖσ οἷσ αὐτῷ νόμοσ καὶ θοίνην δημοτελῆ ἐποίησε, καθήμενόσ τε αὐτὸσ καὶ πάντων καθημένων, ἀμφ̓ αὐτὸν μὲν Μακεδόνων, ἐν δὲ τῷ ἐφεξῆσ τούτων Περσῶν, ἐπὶ δὲ τούτοισ τῶν ἄλλων ἐθνῶν ὅσοι κατ̓ ἀξίωσιν ἤ τινα ἄλλην ἀρετὴν πρεσβευόμενοι, καὶ ἀπὸ τοῦ αὐτοῦ κρατῆροσ αὐτόσ τε καὶ οἱ ἀμφ̓ αὐτὸν ἀρυόμενοι ἔσπενδον τὰσ αὐτὰσ σπονδὰσ καταρχομένων τῶν τε Ἑλλήνων μάντεων καὶ τῶν Μάγων.

εὔχετο δὲ τά τε ἄλλα [καὶ τὰ] ἀγαθὰ καὶ ὁμόνοιάν τε καὶ κοινωνίαν τῆσ ἀρχῆσ Μακεδόσι καὶ Πέρσαισ.

εἶναι δὲ κατέχει λόγοσ τοὺσ μετασχόντασ τῆσ θοίνησ ἐννακισχιλίουσ, καὶ τούτουσ πάντασ μίαν τε σπονδὴν σπεῖσαι καὶ ἐπ̓ αὐτῇ παιωνίσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 11

(아리아노스, Anabasis, book 7, chapter 11)

상위

목록

SEARCH

MENU NAVIGATION