헬라어 문장 검색 - Αρριαν́Αναβασί7́10́

(아리아노스, Anabasis, book 7, chapter 10)

Ἀλλὰ ταῦτα γὰρ ὑμῶν πονούντων καὶ ταλαιπωρουμένων ἐκτησάμην αὐτὸσ ἀπόνωσ καὶ ἀταλαιπώρωσ ἐξηγούμενοσ. καὶ τίσ ὑμῶν ἢ πονήσασ οἶδεν ἐμοῦ μᾶλλον ἢ ἐγὼ ὑπὲρ ἐκείνου; ἄγε δὴ καὶ ὅτῳ τραύματα ὑμῶν ἐστι γυμνώσασ αὐτὰ ἐπιδειξάτω καὶ ἐγὼ τὰ ἐμὰ ἐπιδείξω ἐν μέρει· ὡσ ἔμοιγε οὐκ ἔστιν ὅ τι τοῦ σώματοσ τῶν γε δὴ ἔμπροσθεν μερῶν ἄτρωτον ὑπολέλειπται, οὐδὲ ὅπλον τι ἔστιν ἢ ἐκ χειρὸσ ἢ τῶν ἀφιεμένων οὗ γε οὐκ ἴχνη ἐν ἐμαυτῷ φέρω·

ἀλλὰ καὶ ξίφει ἐκ χειρὸσ τέτρωμαι καὶ τετόξευμαι ἤδη καὶ ἀπὸ μηχανῆσ βέβλημαι, καὶ λίθοισ πολλαχῇ καὶ ξύλοισ παιόμενοσ ὑπὲρ ὑμῶν καὶ τῆσ ὑμετέρασ δόξησ καὶ τοῦ ὑμετέρου πλούτου νικῶντασ ὑμᾶσ ἄγω διὰ πάσησ γῆσ καὶ θαλάσσησ καὶ πάντων ποταμῶν καὶ ὀρῶν καὶ πεδίων πάντων, γάμουσ τε ὑμῖν τοὺσ αὐτοὺσ γεγάμηκα καὶ πολλῶν ὑμῶν οἱ παῖδεσ συγγενεῖσ ἔσονται τοῖσ παισὶ τοῖσ ἐμοῖσ. ἔτι δὲ ᾧ χρέα ἦν, οὐ πολυπραγμονήσασ ἐφ̓ ὅτῳ ἐγένετο, τοσαῦτα μὲν μισθοφορούντων, τοσαῦτα δὲ ἁρπαζόντων, ὁπότε ἐκ πολιορκίασ ἁρπαγὴ γίγνοιτο, διαλέλυμαι ταῦτα. στέφανοί τε χρυσοῖ τοῖσ πλείστοισ ὑμῶν εἰσι μνημεῖα τῆσ τε ἀρετῆσ τῆσ ὑμετέρασ καὶ τῆσ ἐξ ἐμοῦ τιμῆσ ἀθάνατα.

ὅστισ δὲ δὴ καὶ ἀπέθανεν, εὐκλεὴσ μὲν αὐτῷ ἡ τελευτὴ ἐγένετο, περιφανὴσ δὲ ὁ τάφοσ, χαλκαῖ δὲ αἱ εἰκόνεσ τῶν πλείστων οἴκοι ἑστᾶσιν, οἱ γονεῖσ δ̓ ἔντιμοί εἰσι λειτουργίασ τε ξυμπάσησ καὶ εἰσφορᾶσ ἀπηλλαγμένοι·

οὐ γάρ τίσ γε φεύγων ὑμῶν ἐτελεύτα ἐμοῦ ἄγοντοσ. Καὶ νῦν τοὺσ ἀπολέμουσ ὑμῶν ζηλωτοὺσ τοῖσ οἴκοι ἀποπέμψειν ἤμελλον·

καταστρεψάμενον δὲ Οὐξίουσ τε καὶ Ἀραχωτοὺσ καὶ Δράγγασ, κεκτημένον δὲ καὶ Παρθυαίουσ καὶ Χορασμίουσ καὶ Ὑρκανίουσ ἔστε ἐπὶ τὴν θάλασσαν τὴν Κασπίαν, ὑπερβάντα δὲ τὸν Καύκασον ὑπὲρ τὰσ Κασπίασ πύλασ, καὶ περάσαντα Ὄξον τε ποταμὸν καὶ Τάναϊν, ἔτι δὲ τὸν Ἰνδὸν ποταμόν, οὐδενὶ ἄλλῳ ὅτι μὴ Διονύσῳ περαθέντα, καὶ τὸν Ὑδάσπην καὶ τὸν Ἀκεσίνην καὶ τὸν Ὑδραώτην, καὶ τὸν Ὕφασιν διαπεράσαντα ἄν, εἰ μὴ ὑμεῖσ ἀπωκνήσατε, καὶ ἐσ τὴν μεγάλην θάλασσαν κατ̓ ἀμφότερα τοῦ Ἰνδοῦ τὰ στόματα ἐμβαλόντα, καὶ διὰ τῆσ Γαδρωσίασ τῆσ ἐρήμου ἐλθόντα, ᾗ οὐδείσ πω πρόσθεν σὺν στρατιᾷ ἦλθε, καὶ Καρμανίαν ἐν παρόδῳ προσκτησάμενον καὶ τὴν Ὠρειτῶν γῆν, περιπεπλευκότοσ δὲ ἤδη αὐτῷ τοῦ ναυτικοῦ τὴν ἀπ̓ Ἰνδῶν γῆσ εἰσ Πέρσασ θάλασσαν, ὡσ εἰσ Σοῦσα ἐπανηγάγετε, ἀπολιπόντεσ οἴχεσθε, παραδόντεσ φυλάσσειν τοῖσ νενικημένοισ βαρβάροισ.

ταῦτα ὑμῖν καὶ πρὸσ ἀνθρώπων ἴσωσ εὐκλεᾶ καὶ πρὸσ θεῶν ὅσια δήπου ἔσται ἀπαγγελθέντα.

ἄπιτε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 7, chapter 10

(아리아노스, Anabasis, book 7, chapter 10)

상위

목록

SEARCH

MENU NAVIGATION