헬라어 문장 검색 - Ηιπποξ́Οευϝρεσ́09́18́0́

(히포크라테스, Oeuvres Completes D'Hippocrate., PROGNWSTIKON, 18.)

Ὁκόσοισι δὲ ἀποστάσιεσ γίγνονται ἐκ τῶν περιπλευμονικῶν νουσημάτων παρὰ τὰ ὦτα, καὶ ἐκπυέουσιν, ἢ ἐσ τὰ κάτω χωρία, καὶ συριγγοῦνται, οὗτοι περιγίγνονται. Ἐπισκέπτεσθαι δὲ χρὴ τὰ τοιαῦτα ὧδε‧ ἢν ὅ τε πυρετὸσ ἔχῃ, καὶ ἡ ὀδύνη μὴ παύηται, καὶ τὸ πτύελον μὴ ἐκχωρέῃ κατὰ λόγον, μηδὲ χολώδεεσ αἱ τῆσ κοιλίησ διαχωρήσιεσ, μηδὲ εὔλυτοί τε καὶ ἄκρητοι γίγνοιντο, καὶ μηδὲ τὸ οὖρον πουλύ τε κάρτα καὶ πολλὴν ὑπόστασιν ἔχον, ὑπηρετέηται δὲ πεοιεστικῶσ ὑπὸ τῶν λοιπῶν πάντων τῶν περιεστικῶν σημείων, τουτέοισι χρὴ τὰσ τοιαύτασ ἀποστάσιασ ἐλπίζειν ἔσεσθαι. Γίγνονται δὲ αἱ μὲν ἐσ τὰ κάτω χωρία, οἷσιν ἂν περὶ τὰ ὑποχόνδρια τοῦ φλέγματόσ τι ἐγγένηται‧ αἱ δὲ ἄνω, οἷσι τὸ ὑποχόνδριον λαπαρόν τε καὶ ἀνώδυνον διατελέῃ, δύσπνοοσ δέ τινα χρόνον γενόμενοσ παύσηται, ἄτερ φανερῆσ προφάσιοσ ἄλλησ. Αἱ δὲ ἀποστάσιεσ αἱ ἐσ τὰ σκέλεα ἐν τῇσι περιπλευμονίῃσι τῇσιν ἰσχυρῇσί τε καὶ ἐπικινδύνοισι λυσιτελέεσ μὲν πᾶσαι, ἄρισται δὲ αἱ τοῦ πτυέλου ἐν μεταβολῇ ἐόντοσ γιγνόμεναι‧ εἰ γὰρ τὸ οἴδημα καὶ ἡ ὀδύνη γίγνοιτο, τοῦ πτυέλου ἀντὶ ξανθοῦ πυώδεοσ γενομένου καὶ ἐκχωρέοντοσ ἔξω, οὕτωσ ἂν ἀσφαλέστατα ὅ τε ἄνθρωποσ περιγίγνοιτο, καὶ ἡ ἀπόστασισ ἀνώδυνοσ τάχιστα παύσαιτο‧ εἰ δὲ τὸ πτύελον μὴ ἐκχωρέοι καλῶσ, μηδὲ τὸ οὖρον ὑπόστασιν ἀγαθὴν ἔχον φαίνοιτο, κίνδυνοσ χωλὸν γενέσθαι τὸ ἄρθρον ἢ πολλὰ πρήγματα παρασχεῖν. Ἢν δὲ ἀφανίζωνται καὶ παλινδρομέωσιν αἱ ἀποστάσιεσ, τοῦ πτυλου μὴ ἐκχωρέοντοσ, καὶ τοῦ πυρετοῦ ἔχοντοσ, δεινόν‧ κίνδοσ γὰρ μὴ παραφρονήσῃ καὶ ἀποθάνῃ ὁ ἄνθρωποσ. Τῶν δὲ ἐμπύων τῶν ἐκ τῶν περιπλευμονικῶν οἱ γεραίτεροι μᾶλλον ἀπόλλυνται‧ ἐκ δὲ τῶν ἄλλων ἐμπυημάτων οἱ νεώτεροι μᾶλλον ἀποθνήσκουσι. Ὁκόσοι δὲ τῶν ἐμπύων καίονται ἢ τέμνονται, οἷσιν ἂν καθαρὸν μὲν το πῦον ᾖ καὶ λευκὸν καὶ μὴ δυσῶδεσ, σώζονται‧ οἷσι δὲ ὕφαιμόν τε καὶ βορβορῶδεσ, ἀπόλλυνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 18.

(히포크라테스, Oeuvres Completes D'Hippocrate., PROGNWSTIKON, 18.)

상위

목록

SEARCH

MENU NAVIGATION