헬라어 문장 검색 - Πλυταρ́Αδϝερσύ26́0́00́

(플루타르코스, Adversus Colotem, section 26)

"ἀλλὰ ταῦτα μὲν ὅσησ ἐστὶ μεστὰ ταραχῆσ καὶ μάχησ πρὸσ ἑαυτά, τί δεῖ λέγειν ἐν τῷ παρόντι; "τοῦ δ’ Ἀρκεσιλάου τὸν Ἐπίκουρον οὐ μετρίωσ ἐοίκεν ἡ δόξα παραλυπεῖν, ἐν τοῖσ τότε χρόνοισ μάλιστα τῶν φιλοσόφων ἀγαπηθέντοσ μηδὲν γὰρ αὐτὸν ἴδιον λέγοντά φησιν ὑπόληψιν ἐμποιεῖν καὶ δόξαν ἀνθρώποισ ἀγραμμάτοισ ἅτε δὴ πολυγράμματοσ αὐτὸσ ὢν καὶ μεμουσωμένοσ. "ὁ δ’ Ἀρκεσίλαοσ τοσοῦτον ἀπέδει τοῦ καινοτομίασ τινὰ δόξαν ἀγαπᾶν καὶ ὑποποιεῖσθαί τι τῶν παλαιῶν, ὥστ’ ἐγκαλεῖν τοὺσ τότε σοφιστάσ, ὅτι προστρίβεται Σωκράτει καὶ Πλάτωνι καὶ Παρμενίδῃ καὶ Ἡρακλείτῳ τὰ περὶ τῆσ ἐποχῆσ δόγματα καὶ τῆσ ἀκαταληψίασ, οὐδὲν δεομένοισ, ἀλλ’ οἱο͂ν ἀναγωγὴν καὶ βεβαίωσιν αὐτῶν εἰσ ἄνδρασ ἐνδόξουσ ποιούμενοσ. "ὑπὲρ μὲν οὖν τούτου Κωλώτῃ χάρισ καὶ παντὶ τῷ τὸν Ἀκαδημαϊκὸν λόγον ἄνωθεν ἣκειν εἰσ Ἀρκεσίλαον ἀποφαίνοντι. "τὴν δὲ περὶ πάντων ἐποχὴν οὐδ’ οἱ πολλὰ πραγματευσάμενοι καὶ κατατείναντεσ εἰσ τοῦτο συγγράμματα καὶ λόγουσ ἐκίνησαν· "ἀλλ’ ἐκ τῆσ Στοᾶσ αὐτῆσ τελευτῶντεσ ὥσπερ Γοργόνα τὴν ἀπραξίαν ἐπάγοντεσ ἀπηγόρευσαν, ὡσ πάντα πειρῶσι καὶ στρέφουσιν αὐτοῖσ οὐχ ὑπήκουσεν ἡ ὁρμὴ γενέσθαι συγκατάθεσισ οὐδὲ τῆσ ῥοπῆσ ἀρχὴν ἐδέξατο τὴν αἴσθησιν, ἀλλ’ ἐξ ἑαυτῆσ ἀγωγὸσ ἐπὶ τὰσ πράξεισ ἐφάνη, μὴ δεομένη τοῦ προστίθεσθαι. "νόμιμοι γὰρ οἱ πρὸσ ἐκείνουσ ἀγῶνέσ εἰσι, καὶ ὁπποῖὸν κ’ εἴπῃσθα ἔποσ, τοῖὸν κ’ ἐπακούσαισ. "Κωλώτῃ δ’ οἶμαι τὰ περὶ ὁρμῆσ καὶ συγκαταθέσεωσ ὄνῳ λύρασ ἀκρόασιν εἶναι. "λέγεται δὲ τοῖσ συνεπομένοισ καὶ ἀκούουσιν, ὅτι, τριῶν περὶ τὴν ψυχὴν κινημάτων ὄντων, φανταστικοῦ καὶ ὁρμητικοῦ καὶ συγκαταθετικοῦ, τὸ μὲν φανταστικὸν οὐδὲ βουλομένοισ ἀνελεῖν ἔστιν, ἀλλ’ ἀνάγκη προεντυγχάνοντασ τοῖσ πράγμασι τυποῦσθαι καὶ πάσχειν ὑπ’ αὐτῶν· "τὸ δ’ ὁρμητικὸν ἐγειρόμενον ὑπὸ τοῦ φανταστικοῦ πρὸσ τὰ οἰκεῖα πρακτικῶσ κινεῖ τὸν ἄνθρωπον, οἱο͂ν ῥοπῆσ ἐν τῷ ἡγεμονικῷ καὶ νεύσεωσ γινομένησ οὐδὲ τοῦτ’ οὖν ἀναιροῦσιν οἱ περὶ πάντων ἐπέχοντεσ, ἀλλὰ χρῶνται τῇ ὁρμῇ φυσικῶσ ἀγούσῃ πρὸσ τὸ φαινόμενον οἰκεῖον. "τί οὖν φεύγουσι μόνον; "ᾧ μόνῳ ψεῦδοσ ἐμφύεται καὶ ἀπάτη, τὸ δοξάζειν καὶ προπίπτειν τὴν συγκατάθεσιν, εἶξιν οὖσαν ὑπ’ ἀσθενείασ τῷ φαινομένῳ, χρήσιμον δ’ οὐδὲν ἔχουσαν. "ἡ γὰρ πρᾶξισ δυεῖν δεῖται, φαντασίασ τοῦ οἰκείου καὶ πρὸσ τὸ φανὲν οἰκεῖον ὁρμῆσ, ὧν οὐδέτερον τῇ ἐποχῇ μάχεται · "δόξησ γὰρ οὐχ ὁρμῆσ οὐδὲ φαντασίασ ὁ λόγοσ ἀφίστησιν. "ὅταν οὖν φανῇ τὸ ἡδὺ οἰκεῖον, οὐδὲν δεῖ πρὸσ τὴν ἐπ’ αὐτὸ κίνησιν καὶ φορὰν δόξησ, ἀλλ’ ἦλθεν εὐθὺσ ἡ ὁρμή, κίνησισ οὖσα καὶ φορὰ τῆσ ψυχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Adversus Colotem, section 26

(플루타르코스, Adversus Colotem, section 26)

상위

목록

SEARCH

MENU NAVIGATION