Xenophon, Cyropaedia, Κύρου Παιδείασ Γ, chapter 3 63:

καὶ ὁ Χρυσάντασ εἶπεν· ἀλλ’ ἀρκεῖ τοι, ὦ Κῦρε, ἢν τὰσ ψυχὰσ αὐτῶν ἀμείνονασ παρακελευσάμενοσ ποιήσῃσ. ἦ καὶ δύναιτ’ ἄν, ἔφη ὁ Κῦροσ, εἷσ λόγοσ ῥηθεὶσ αὐθημερὸν αἰδοῦσ μὲν ἐμπλῆσαι τὰσ ψυχὰσ τῶν ἀκουόντων, ἢ ἀπὸ τῶν αἰσχρῶν κωλῦσαι, προτρέψαι δὲ ὡσ χρὴ ἐπαίνου μὲν ἕνεκα πάντα μὲν πόνον, πάντα δὲ κίνδυνον ὑποδύεσθαι, λαβεῖν δ’ ἐν ταῖσ γνώμαισ βεβαίωσ τοῦτο ὡσ αἱρετώτερόν ἐστι μαχομένουσ ἀποθνῄσκειν μᾶλλον ἢ φεύγοντασ σῴζεσθαι;