Xenophon, Anabasis, Κύρου Ἀναβάσεωσ Ε, chapter 6 11:

ἢν δὲ καὶ δυνηθῆτε τά τε ὄρη κλέψαι ἢ φθάσαι λαβόντεσ καὶ ἐν τῷ πεδίῳ κρατῆσαι μαχόμενοι τούσ τε ἱππέασ τούτων καὶ πεζῶν μυριάδασ πλέον ἢ δώδεκα, ἥξετε ἐπὶ τοὺσ ποταμούσ, πρῶτον μὲν τὸν Θερμώδοντα, εὖροσ τριῶν πλέθρων, ὃν χαλεπὸν οἶμαι διαβαίνειν ἄλλωσ τε καὶ πολεμίων πολλῶν ἔμπροσθεν ὄντων, πολλῶν δὲ ὄπισθεν ἑπομένων· δεύτερον δὲ Ἶριν, τρίπλεθρον ὡσαύτωσ· τρίτον δὲ Ἅλυν, οὐ μεῖον δυοῖν σταδίοιν, ὃν οὐκ ἂν δύναισθε ἄνευ πλοίων διαβῆναι· πλοῖα δὲ τίσ ἔσται ὁ παρέχων; ὡσ δ’ αὔτωσ καὶ ὁ Παρθένιοσ ἄβατοσ·