Xenophon, Hellenica, Ἑλληνικῶν Ε, chapter 2 19:

ἐννοήσατε δὲ καὶ τόδε, πῶσ εἰκὸσ ὑμᾶσ τῆσ μὲν Βοιωτίασ ἐπιμεληθῆναι ὅπωσ μὴ καθ’ ἓν εἰή, πολὺ δὲ μείζονοσ ἁθροιζομένησ δυνάμεωσ ἀμελῆσαι, καὶ ταύτησ οὐ κατὰ γῆν μόνον, ἀλλὰ καὶ κατὰ θάλατταν ἰσχυρᾶσ γιγνομένησ. τί γὰρ δὴ καὶ ἐμποδών, ὅπου ξύλα μὲν ναυπηγήσιμα ἐν αὐτῇ τῇ χώρᾳ ἐστί, χρημάτων δὲ πρόσοδοι ἐκ πολλῶν μὲν λιμένων, ἐκ πολλῶν δ’ ἐμπορίων, πολυανθρωπία γε μὴν διὰ τὴν πολυσιτίαν ὑπάρχει;