Xenophon, Cyropaedia, Κύρου Παιδείασ Γ, chapter 3 72:

ἐπεὶ δ’ ὁ παιὰν ἐγένετο, ἅμα πορευόμενοι οἱ ὁμότιμοι φαιδροὶ πεπαιδευμένοι καὶ παρορῶντεσ εἰσ ἀλλήλουσ, ὀνομάζοντεσ παραστάτασ, ἐπιστάτασ, λέγοντεσ πολὺ τὸ ἄγετ’ ἄνδρεσ φίλοι, ἄγετ’ ἄνδρεσ ἀγαθοί, παρεκάλουν ἀλλήλουσ ἕπεσθαι. οἱ δ’ ὄπισθεν αὐτῶν ἀκούσαντεσ ἀντιπαρεκελεύοντο τοῖσ πρώτοισ ἡγεῖσθαι ἐρρωμένωσ. ἦν δὲ μεστὸν τὸ στράτευμα τῷ Κύρῳ προθυμίασ, φιλοτιμίασ, ῥώμησ, θάρρουσ, παρακελευσμοῦ, σωφροσύνησ, πειθοῦσ, ὅπερ οἶμαι δεινότατον τοῖσ ὑπεναντίοισ.