Xenophon, Cyropaedia, Κύρου Παιδείασ Γ, chapter 3 2:

τῇ δ’ ὑστεραίᾳ ὅ τε Κῦροσ ἔπεμπε τὸν ἄγγελον ἐπιστείλασ ὅσαπερ ἔφη καὶ ὁ Ἀρμένιοσ καὶ οἱ Χαλδαῖοι συνέπεμπον οὓσ ἱκανωτάτουσ ἐνόμιζον εἶναι καὶ συμπρᾶξαι καὶ εἰπεῖν περὶ Κύρου τὰ προσήκοντα. ἐκ δὲ τούτου κατασκευάσασ ὁ Κῦροσ τὸ φρούριον καὶ φύλαξιν ἱκανοῖσ καὶ τοῖσ ἐπιτηδείοισ πᾶσι καὶ ἄρχοντ’ αὐτῶν καταλιπὼν Μῆδον ὃν ᾤετο Κυαξάρῃ ἂν μάλιστα χαρίσασθαι, ἀπῄει συλλαβὼν τὸ στράτευμα ὅσον τε ἦλθεν ἔχων καὶ ὃ παρ’ Ἀρμενίων προσέλαβε, καὶ τοὺσ παρὰ Χαλδαίων εἰσ τετρακισχιλίουσ, οἳ ᾤοντο καὶ συμπάντων τῶν ἄλλων κρείττονεσ εἶναι.