Xenophon, Cyropaedia, Κύρου Παιδείασ Γ, chapter 1 49:

τῇ δ’ ὑστεραίᾳ ὁ Ἀρμένιοσ Κύρῳ μὲν καὶ τῇ στρατιᾷ ἁπάσῃ ξένια ἔπεμπε, προεῖπε δὲ τοῖσ ἑαυτοῦ, οὓσ δεήσοι στρατεύεσθαι. εἰσ τρίτην ἡμέραν παρεῖναι· τὰ δὲ χρήματα ὧν εἶπεν ὁ Κῦροσ διπλάσια ἀπηρίθμησεν. ὁ δὲ Κῦροσ ὅσα εἶπε λαβὼν τἆλλα ἀπέπεμψεν· ἤρετο δὲ πότεροσ ἔσται ὁ τὸ στράτευμα ἄγων, ὁ παῖσ ἢ αὐτόσ. εἰπέτην δὲ ἅμα ὁ μὲν πατὴρ οὕτωσ· ὁπότερον ἂν σὺ κελεύῃσ· ὁ δὲ παῖσ οὕτωσ· ἐγὼ μὲν οὐκ ἀπολείψομαί σου, ὦ Κῦρε, οὐδ’ ἂν σκευοφόρον ἐμὲ δίῃ σοι συνακολουθεῖν.