Xenophon, Cyropaedia, Κύρου Παιδείασ Γ, chapter 1 33:

εἰ δέ τί σοι, ἔφη, μέλει καὶ τοῦ ὡσ ἥκιστα τεταραγμένα τάδε καταλιπεῖν, ὅταν ἀπίῃσ, σκόπει, ἔφη, πότερον ἂν οἰεί ἠρεμεστέρωσ ἔχειν τὰ ἐνθάδε καινῆσ γενομένησ ἀρχῆσ ἢ τῆσ εἰωθυίασ καταμενούσησ· εἰ δέ τί σοι μέλει καὶ τοῦ ὡσ πλείστην στρατιὰν ἐξάγειν, τίν’ ἂν οἰεί μᾶλλον ἐξετάσαι ταύτην ὀρθῶσ τοῦ πολλάκισ αὐτῇ κεχρημένου; εἰ δὲ καὶ χρημάτων δεήσει, τίν’ ἂν ταῦτα νομίζεισ κρεῖττον ἐκπορίσαι τοῦ καὶ εἰδότοσ καὶ ἔχοντοσ πάντα τὰ ὄντα; ὠγαθέ, ἔφη, Κῦρε, φύλαξαι μὴ ἡμᾶσ ἀποβαλὼν σαυτὸν ζημιώσῃσ πλείω ἢ ὁ πατὴρ ἐδυνήθη σε βλάψαι. ὁ μὲν τοιαῦτα ἔλεγεν.