Xenophon, Cyropaedia, Κύρου Παιδείασ Γ, chapter 1 23:

ἔπειτα δοκεῖ σοι, ἔφη ὁ Κῦροσ, καὶ ἡ τοιαύτη ἧττα σωφρονίζειν ἱκανὴ εἶναι ἀνθρώπουσ, τὸ γνῶναι ἄλλουσ ἑαυτῶν βελτίονασ ὄντασ; πολύ γε μᾶλλον, ἔφη ὁ Τιγράνησ, ἢ ὅταν μάχῃ τισ ἡττηθῇ. ὁ μὲν γὰρ ἰσχύι κρατηθεὶσ ἔστιν ὅτε ᾠήθη σωμασκήσασ ἀναμαχεῖσθαι· καὶ πόλεισ γε ἁλοῦσαι συμμάχουσ προσλαβοῦσαι οἰόνται ἀναμαχέσασθαι ἄν· οὓσ δ’ ἂν βελτίουσ τινὲσ ἑαυτῶν ἡγήσωνται, τούτοισ πολλάκισ καὶ ἄνευ ἀνάγκησ ἐθέλουσι πείθεσθαι.