Xenophon, Cyropaedia, Κύρου Παιδείασ Γ, chapter 1 6:

ὁ δ’ αὖ Κῦροσ ταῦτα ἰδὼν περιίσταται τὸν λόφον τῷ παρόντι στρατεύματι, καὶ πρὸσ Χρυσάνταν πέμψασ ἐκέλευε φυλακὴν τοῦ ὄρουσ καταλιπόντα ἥκειν. τὸ μὲν δὴ στράτευμα ἡθροίζετο τῷ Κύρῳ· ὁ δὲ πέμψασ πρὸσ τὸν Ἀρμένιον κήρυκα ἤρετο ὧδε· εἰπέ μοι, ἔφη, ὦ Ἀρμένιε, πότερα βούλει αὐτοῦ μένων τῷ λιμῷ καὶ τῷ δίψει μάχεσθαι ἢ εἰσ τὸ ἰσόπεδον καταβὰσ ἡμῖν διαμάχεσθαι; ἀπεκρίνατο ὁ Ἀρμένιοσ ὅτι οὐδετέροισ βούλοιτο μάχεσθαι.