Xenophon, Cyropaedia, Κύρου Παιδείασ Α, chapter 2 4:

οἱ δὲ Περσικοὶ νόμοι προλαβόντεσ ἐπιμέλονται ὅπωσ τὴν ἀρχὴν μὴ τοιοῦτοι ἔσονται οἱ πολῖται οἱοῖ πονηροῦ τινοσ ἢ αἰσχροῦ ἔργου ἐφίεσθαι. ἐπιμέλονται δὲ ὧδε. ἔστιν αὐτοῖσ ἐλευθέρα ἀγορὰ καλουμένη, ἔνθα τά τε βασίλεια καὶ τἆλλα ἀρχεῖα πεποίηται. ἐντεῦθεν τὰ μὲν ὤνια καὶ οἱ ἀγοραῖοι καὶ αἱ τούτων φωναὶ καὶ ἀπειροκαλίαι ἀπελήλανται εἰσ ἄλλον τόπον, ὡσ μὴ μιγνύηται ἡ τούτων τύρβη τῇ τῶν πεπαιδευμένων εὐκοσμίᾳ.