헬라어 문장 검색 - ΧενοπήΞψροπαέ1́1́

(크세노폰, Cyropaedia, Κύρου Παιδείασ Α, chapter 1)

ἔννοιά ποθ’ ἡμῖν ἐγένετο ὅσαι δημοκρατίαι κατελύθησαν ὑπὸ τῶν ἄλλωσ πωσ βουλομένων πολιτεύεσθαι μᾶλλον ἢ ἐν δημοκρατίᾳ, ὅσαι τ’ αὖ μοναρχίαι, ὅσαι τε ὀλιγαρχίαι ἀνῄρηνται ἤδη ὑπὸ δήμων, καὶ ὅσοι τυραννεῖν ἐπιχειρήσαντεσ οἱ μὲν αὐτῶν καὶ ταχὺ πάμπαν κατελύθησαν, οἱ δὲ κἂν ὁποσονοῦν χρόνον ἄρχοντεσ διαγένωνται, θαυμάζονται ὡσ σοφοί τε καὶ εὐτυχεῖσ ἄνδρεσ γεγενημένοι. πολλοὺσ δ’ ἐδοκοῦμεν καταμεμαθηκέναι καὶ ἐν ἰδίοισ οἴκοισ τοὺσ μὲν ἔχοντασ καὶ πλείονασ οἰκέτασ, τοὺσ δὲ καὶ πάνυ ὀλίγουσ, καὶ ὅμωσ οὐδὲ τοῖσ ὀλίγοισ τούτοισ πάνυ τι δυναμένουσ χρῆσθαι πειθομένοισ τοὺσ δεσπότασ. ἔτι δὲ πρὸσ τούτοισ ἐνενοοῦμεν ὅτι ἄρχοντεσ μέν εἰσι καὶ οἱ βουκόλοι τῶν βοῶν καὶ οἱ ἱπποφορβοὶ τῶν ἵππων, καὶ πάντεσ δὲ οἱ καλούμενοι νομεῖσ ὧν ἂν ἐπιστατῶσι ζῴων εἰκότωσ ἂν ἄρχοντεσ τούτων νομίζοιντο·

πάσασ τοίνυν ταύτασ τὰσ ἀγέλασ ἐδοκοῦμεν ὁρᾶν μᾶλλον ἐθελούσασ πείθεσθαι τοῖσ νομεῦσιν ἢ τοὺσ ἀνθρώπουσ τοῖσ ἄρχουσι. πορεύονταί τε γὰρ αἱ ἀγέλαι ᾗ ἂν αὐτὰσ εὐθύνωσιν οἱ νομεῖσ, νέμονταί τε χωρία ἐφ’ ὁποῖα ἂν αὐτὰσ ἐπάγωσιν, ἀπέχονταί τε ὧν ἂν αὐτὰσ ἀπείργωσι· καὶ τοῖσ καρποῖσ τοίνυν τοῖσ γιγνομένοισ ἐξ αὐτῶν ἐῶσι τοὺσ νομέασ χρῆσθαι οὕτωσ ὅπωσ ἂν αὐτοὶ βούλωνται. ἔτι τοίνυν οὐδεμίαν πώποτε ἀγέλην ᾐσθήμεθα συστᾶσαν ἐπὶ τὸν νομέα οὔτε ὡσ μὴ πείθεσθαι οὔτε ὡσ μὴ ἐπιτρέπειν τῷ καρπῷ χρῆσθαι, ἀλλὰ καὶ χαλεπώτεραί εἰσιν αἱ ἀγέλαι πᾶσι τοῖσ ἀλλοφύλοισ ἢ τοῖσ ἄρχουσί τε καὶ ὠφελουμένοισ ἀπ’ αὐτῶν· ἄνθρωποι δὲ ἐπ’ οὐδένασ μᾶλλον συνίστανται ἢ ἐπὶ τούτουσ οὓσ ἂν αἴσθωνται ἄρχειν αὑτῶν ἐπιχειροῦντασ. ὅτε μὲν δὴ ταῦτα ἐνεθυμούμεθα, οὕτωσ ἐγιγνώσκομεν περὶ αὐτῶν, ὡσ ἀνθρώπῳ πεφυκότι πάντων τῶν ἄλλων ῥᾷον εἰή ζῴων ἢ ἀνθρώπων ἄρχειν.

ἐπειδὴ δὲ ἐνενοήσαμεν ὅτι Κῦροσ ἐγένετο Πέρσησ, ὃσ παμπόλλουσ μὲν ἀνθρώπουσ ἐκτήσατο πειθομένουσ αὑτῷ, παμπόλλασ δὲ πόλεισ, πάμπολλα δὲ ἔθνη, ἐκ τούτου δὴ ἠναγκαζόμεθα μετανοεῖν μὴ οὔτε τῶν ἀδυνάτων οὔτε τῶν χαλεπῶν ἔργων ᾖ τὸ ἀνθρώπων ἄρχειν, ἤν τισ ἐπισταμένωσ τοῦτο πράττῃ. Κύρῳ γοῦν ἴσμεν ἐθελήσαντασ πείθεσθαι τοὺσ μὲν ἀπέχοντασ παμπόλλων ἡμερῶν ὁδόν, τοὺσ δὲ καὶ μηνῶν, τοὺσ δὲ οὐδ’ ἑωρακότασ πώποτ’ αὐτόν, τοὺσ δὲ καὶ εὖ εἰδότασ ὅτι οὐδ’ ἂν ἴδοιεν, καὶ ὅμωσ ἤθελον αὐτῷ ὑπακούειν. καὶ γάρ τοι τοσοῦτον διήνεγκε τῶν ἄλλων βασιλέων, καὶ τῶν πατρίουσ ἀρχὰσ παρειληφότων καὶ τῶν δι’ ἑαυτῶν κτησαμένων, ὥσθ’ ὁ μὲν Σκύθησ καίπερ παμπόλλων ὄντων Σκυθῶν ἄλλου μὲν οὐδενὸσ δύναιτ’ ἂν ἔθνουσ ἐπάρξαι, ἀγαπῴη δ’ ἂν εἰ τοῦ ἑαυτοῦ ἔθνουσ ἄρχων διαγένοιτο, καὶ ὁ Θρᾷξ Θρᾳκῶν καὶ ὁ Ἰλλυριὸσ Ἰλλυριῶν, καὶ τἆλλα δὲ ὡσαύτωσ ἔθνη ἀκούομεν τὰ γοῦν ἐν τῇ Εὐρώπῃ ἔτι καὶ νῦν αὐτόνομα εἶναι λέγεται καὶ λελύσθαι ἀπ’ ἀλλήλων·

Κῦροσ δὲ παραλαβὼν ὡσαύτωσ οὕτω καὶ τὰ ἐν τῇ Ἀσίᾳ ἔθνη αὐτόνομα ὄντα ὁρμηθεὶσ σὺν ὀλίγῃ Περσῶν στρατιᾷ ἑκόντων μὲν ἡγήσατο Μήδων, ἑκόντων δὲ Ὑρκανίων, κατεστρέψατο δὲ Σύρουσ, Ἀσσυρίουσ, Ἀραβίουσ, Καππαδόκασ, Φρύγασ ἀμφοτέρουσ, Λυδούσ, Κᾶρασ, Φοίνικασ, Βαβυλωνίουσ, ἦρξε δὲ Βακτρίων καὶ Ἰνδῶν καὶ Κιλίκων, ὡσαύτωσ δὲ Σακῶν καὶ Παφλαγόνων καὶ Μαγαδιδῶν, καὶ ἄλλων δὲ παμπόλλων ἐθνῶν, ὧν οὐδ’ ἂν τὰ ὀνόματα ἔχοι τισ εἰπεῖν, ἐπῆρξε δὲ καὶ Ἑλλήνων τῶν ἐν τῇ Ἀσίᾳ, καταβὰσ δ’ ἐπὶ θάλατταν καὶ Κυπρίων καὶ Αἰγυπτίων. καὶ τοίνυν τούτων τῶν ἐθνῶν ἦρξεν οὔτε αὐτῷ ὁμογλώττων ὄντων οὔτε ἀλλήλοισ, καὶ ὅμωσ ἐδυνάσθη ἐφικέσθαι μὲν ἐπὶ τοσαύτην γῆν τῷ ἀφ’ ἑαυτοῦ φόβῳ, ὥστε καταπλῆξαι πάντασ καὶ μηδένα ἐπιχειρεῖν αὐτῷ, ἐδυνάσθη δὲ ἐπιθυμίαν ἐμβαλεῖν τοσαύτην τοῦ πάντασ αὐτῷ χαρίζεσθαι ὥστε ἀεὶ τῇ αὐτοῦ γνώμῃ ἀξιοῦν κυβερνᾶσθαι, ἀνηρτήσατο δὲ τοσαῦτα φῦλα ὅσα καὶ διελθεῖν ἔργον ἐστίν, ὅποι ἂν ἄρξηταί τισ πορεύεσθαι ἀπὸ τῶν βασιλείων, ἤν τε πρὸσ ἑώ ἤν τε πρὸσ ἑσπέραν ἤν τε πρὸσ ἄρκτον ἤν τε πρὸσ μεσημβρίαν.

ἡμεῖσ μὲν δὴ ὡσ ἄξιον ὄντα θαυμάζεσθαι τοῦτον τὸν ἄνδρα ἐσκεψάμεθα τίσ ποτ’ ὢν γενεὰν καὶ ποίαν τινὰ φύσιν ἔχων καὶ ποίᾳ τινὶ παιδευθεὶσ παιδείᾳ τοσοῦτον διήνεγκεν εἰσ τὸ ἄρχειν ἀνθρώπων.

ὅσα οὖν καὶ ἐπυθόμεθα καὶ ᾐσθῆσθαι δοκοῦμεν περὶ αὐτοῦ, ταῦτα πειρασόμεθα διηγήσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Cyropaedia, Κύρου Παιδείασ Α, chapter 1

(크세노폰, Cyropaedia, Κύρου Παιδείασ Α, chapter 1)

상위

목록

SEARCH

MENU NAVIGATION