헬라어 문장 검색 - Σοπηοξ́Οεδιπυσ́15́0́0́

(소포클레스, Oedipus at Colonus, episode)

ἄνδρεσ πολῖται, ξυντομωτάτωσ, μὲν ἂν τύχοιμι λέξασ Οἰδίπουν ὀλωλότα· ἃ δ’ ἦν τὰ πραχθέντ’, οὔθ’ ὁ μῦθοσ ἐν βραχεῖ φράσαι πάρεστιν οὔτε τἄργ’ ὅσ’ ἦν ἐκεῖ. ὄλωλε γὰρ δύστηνοσ; ὡσ λελοιπότα κεῖνον τὸν ἀεὶ βίοτον ἐξεπίστασο. πῶσ; ἆρα θείᾳ κἀπόνῳ τάλασ τύχῃ; ταῦτ’ ἐστὶν ἤδη κἀποθαυμάσαι πρέπον. ὡσ μὲν γὰρ ἐνθένδ’ εἱρ͂πε, καὶ σύ που παρὼν ἔξοισθ’, ὑφηγητῆροσ οὐδενὸσ φίλων, ἀλλ’ αὐτὸσ ἡμῖν πᾶσιν ἐξηγούμενοσ. ἐπεὶ δ’ ἀφῖκτο τὸν καταρράκτην ὀδὸν χαλκοῖσ βάθροισι γῆθεν ἐρριζωμένον, ἔστη κελεύθων ἐν πολυσχίστων μιᾷ, κοίλου πέλασ κρατῆροσ, οὗ τὰ Θησέωσ Περίθου τε κεῖται πίστ’ ἀεὶ ξυνθήματα. ἀφ’ οὗ μέσοσ στὰσ τοῦ τε Θορικίου πέτρου κοίλησ τ’ ἀχέρδου κἀπὸ λαί̈νου τάφου, καθέζετ’· εἶτ’ ἔλυσε δυσπινεῖσ στολάσ. κἄπειτ’ ἀύ̈σασ παῖδασ ἠνώγει ῥυτῶν ὑδάτων ἐνεγκεῖν λουτρὰ καὶ χοάσ ποθεν· τὼ δ’ εὐχλόου Δήμητροσ εἰσ προσόψιον πάγον μολοῦσαι τάσδ’ ἐπιστολὰσ πατρὶ ταχεῖ ’πόρευσαν σῦν χρόνῳ, λουτροῖσ τέ νιν ἐσθῆτί τ’ ἐξήσκησαν ᾗ νομίζεται. ἐπεὶ δὲ παντὸσ εἶχε δρῶντοσ ἡδονὴν κοὐκ ἦν ἔτ’ οὐδὲν ἀργὸν ὧν ἐφίετο, κτύπησε μὲν Ζεὺσ χθόνιοσ αἱ δὲ παρθένοι ῥίγησαν, ὡσ ἤκουσαν· ἐσ δὲ γούνατα πατρὸσ πεσοῦσαι ’κλαιον οὐδ’ ἀνίεσαν στέρνων ἀραγμοὺσ οὐδὲ παμμήκεισ γόουσ. ὁ δ’ ὡσ ἀκούει φθόγγον ἐξαίφνησ πικρόν, πτύξασ ἐπ’ αὐταῖσ χεῖρασ εἶπεν· ὦ τέκνα, οὐκ ἔστ’ ἔθ’ ὑμῖν τῇδ’ ἐν ἡμέρᾳ πατήρ. ὄλωλε γὰρ δὴ πάντα τἀμά, κοὐκέτι τὴν δυσπόνητον ἕξετ’ ἀμφ’ ἐμοὶ τροφήν· σκληρὰν μέν, οἶδα, παῖδεσ· ἀλλ’ ἓν γὰρ μόνον τὰ πάντα λύει ταῦτ’ ἔποσ μοχθήματα. τὸ γὰρ φιλεῖν οὐκ ἔστιν ἐξ ὅτου πλέον ἢ τοῦδε τἀνδρὸσ ἔσχεθ’, οὗ τητώμεναι τὸ λοιπὸν ἤδη τὸν βίον διάζετον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, episode

(소포클레스, Oedipus at Colonus, episode)

상위

목록

SEARCH

MENU NAVIGATION