헬라어 문장 검색 - Σοπηοξ́Οεδιπυσ́11́0́0́

(소포클레스, Oedipus at Colonus, episode)

καὶ μὴν ὅδ’ ἡμῖν, ὡσ ἐοίκεν, ὁ ξένοσ ἀνδρῶν γε μοῦνοσ, ὦ πάτερ, δι’ ὄμματοσ ἀστακτὶ λείβων δάκρυον ὧδ’ ὁδοιπορεῖ. τίσ οὗτοσ; ὅνπερ καὶ πάλαι κατείχομεν γνώμῃ, πάρεστι δεῦρο Πολυνείκησ ὅδε. οἴμοι, τί δράσω; πότερα τἀμαυτοῦ κακὰ πρόσθεν δακρύσω, παῖδεσ, ἢ τὰ τοῦδ’ ὁρῶν πατρὸσ γέροντοσ; ὃσ ξένησ ἐπὶ χθονὸσ σὺν σφῷν ἐφηύρηκ’ ἐνθάδ’ ἐκβεβλημένον ἐσθῆτι σὺν τοιᾷδε, τῆσ ὁ δυσφιλὴσ γέρων γέροντι συγκατῴκηκεν πίνοσ πλευρὰν μαραίνων, κρατὶ δ’ ὀμματοστερεῖ κόμη δι’ αὔρασ ἀκτένιστοσ ᾄσσεται· ἀδελφὰ δ’, ὡσ ἐοίκε, τούτοισιν φορεῖ τὰ τῆσ ταλαίνησ νηδύοσ θρεπτήρια. ἁγὼ πανώλησ ὄψ’ ἄγαν ἐκμανθάνω· καὶ μαρτυρῶ κάκιστοσ ἀνθρώπων τροφαῖσ ταῖσ σαῖσιν ἥκειν· τἀμὰ μὴ ’ξ ἄλλων πύθῃ. ἀλλ’ ἔστι γὰρ καὶ Ζηνὶ σύνθακοσ θρόνων Αἰδὼσ ἐπ’ ἔργοισ πᾶσι, καὶ πρὸσ σοί, πάτερ, παρασταθήτω· τῶν γὰρ ἡμαρτημένων ἄκη μέν ἐστι, προσφορὰ δ’ οὐκ ἔστ’ ἔτι. τί σιγᾷσ; φώνησον, ὦ πάτερ, τι· μή μ’ ἀποστραφῇσ. οὐδ’ ἀνταμείβει μ’ οὐδέν, ἀλλ’ ἀτιμάσασ πέμψεισ ἄναυδοσ, οὐδ’ ἃ μηνίεισ φράσασ; ὦ σπέρματ’ ἀνδρὸσ τοῦδ’, ἐμαὶ δ’ ὁμαίμονεσ, πειράσατ’ ἀλλ’ ὑμεῖσ γε κινῆσαι πατρὸσ τὸ δυσπρόσοιστον κἀπροσήγορον στόμα, ὡσ μή μ’ ἄτιμον, τοῦ θεοῦ γε προστάτην, οὕτωσ ἀφῇ με μηδὲν ἀντειπὼν ἔποσ. λέγ’, ὦ ταλαίπωρ’, αὐτὸσ ὧν χρείᾳ πάρει· τὰ πολλὰ γάρ τοι ῥήματ’ ἢ τέρψαντά τι, ἢ δυσχεράναντ’ ἢ κατοικτίσαντά πωσ, παρέσχε φωνὴν τοῖσ ἀφωνήτοισ τινά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, episode

(소포클레스, Oedipus at Colonus, episode)

상위

목록

SEARCH

MENU NAVIGATION