헬라어 문장 검색 - Σοπηοξ́Ελεξτρά03́0́07́

(소포클레스, episode 7:)

ἀλλ’, ὦ φίλη, τούτων μὲν ὧν ἔχεισ χεροῖν τύμβῳ προσάψῃσ μηδέν· οὐ γάρ σοι θέμισ οὐδ’ ὅσιον ἐχθρᾶσ ἀπὸ γυναικὸσ ἱστάναι κτερίσματ’ οὐδὲ λουτρὰ προσφέρειν πατρί· ἀλλ’ ἢ πνοαῖσιν ἢ βαθυσκαφεῖ κόνει κρύψον νιν, ἔνθα μή ποτ’ εἰσ εὐνὴν πατρὸσ τούτων πρόσεισι μηδέν· ἀλλ’ ὅταν θάνῃ κειμήλι’ αὐτῇ ταῦτα σῳζέσθω κάτω. ἀρχὴν δ’ ἄν, εἰ μὴ τλημονεστάτη γυνὴ πασῶν ἔβλαστε, τάσδε δυσμενεῖσ χοὰσ οὐκ ἄν ποθ’ ὅν γ’ ἔκτεινε, τῷδ’ ἐπέστεφε. σκέψαι γὰρ εἴ σοι προσφιλῶσ αὐτῇ δοκεῖ γέρα τάδ’ οὑν τάφοισι δέξεσθαι νέκυσ, ὑφ’ ἧσ θανὼν ἄτιμοσ, ὥστε δυσμενήσ, ἐμασχαλίσθη, κἀπὶ λουτροῖσιν κάρᾳ κηλῖδασ ἐξέμαξεν. ἆρα μὴ δοκεῖσ λυτήρι’ αὐτῇ ταῦτα τοῦ φόνου φέρειν; οὐχ ἔστιν. ἀλλὰ ταῦτα μὲν μέθεσ· σὺ δὲ τεμοῦσα κρατὸσ βοστρύχων ἄκρασ φόβασ κἀμοῦ ταλαίνησ, σμικρὰ μὲν τάδ’, ἀλλ’ ὅμωσ ἅχω, δὸσ αὐτῷ, τήνδ’ ἀλιπαρῆ τρίχα καὶ ζῶμα τοὐμὸν οὐ χλιδαῖσ ἠσκημένον. αἰτοῦ δὲ προσπίτνουσα γῆθεν εὐμενῆ ἡμῖν ἀρωγὸν αὐτὸν εἰσ ἐχθροὺσ μολεῖν, καὶ παῖδ’ Ὀρέστην ἐξ ὑπερτέρασ χερὸσ ἐχθροῖσιν αὐτοῦ ζῶντ’ ἐπεμβῆναι ποδί, ὅπωσ τὸ λοιπὸν αὐτὸν ἀφνεωτέραισ χερσὶν στέφωμεν ἢ τανῦν δωρούμεθα. οἶμαι μὲν οὖν, οἶμαί τι κἀκείνῳ μέλον πέμψαι τάδ’ αὐτῇ δυσπρόσοπτ’ ὀνείρατα· ὅμωσ δ’, ἀδελφή, σοί θ’ ὑπούργησον τάδε ἐμοί τ’ ἀρωγὰ τῷ τε φιλτάτῳ βροτῶν πάντων, ἐν Αἵδου κειμένῳ κοινῷ πατρί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, episode 7:

(소포클레스, episode 7:)

상위

목록

SEARCH

MENU NAVIGATION