헬라어 문장 검색 - ΠσευδόΔεμυσιξ́03́0́01́

(위 플루타르코스, De musica, section 3 1:)

"ἐζητημένον πρόβλημα ἐπιζητεῖσ, ἀγαθὲ Ὀνησίκρατεσ τῶν τε γὰρ Πλατωνικῶν οἱ πλεῖστοι καὶ τῶν ἀπὸ τοῦ Περιπάτου φιλοσόφων οἱ ἄριστοι περί τε τῆσ ἀρχαίασ μουσικῆσ συντάξαι ἐσπούδασαν καὶ περὶ τῆσ αὐτῇ γεγενημένησ παραφθορᾶσ· "ἀλλὰ γὰρ καὶ γραμματικῶν καὶ ἁρμονικῶν οἱ ἐπ’ ἄκρον παιδείασ ἐληλακότεσ πολλὴν σπουδὴν περὶ τοῦτο πεποίηνται. "πολλὴ γοῦν ἡ τῶν συντεταχότων διαφωνία. Ἡρακλείδησ δ’ ἐν τῇ Συναγωγῇ τῶν ἐν μουσικῇ τὴν κιθαρῳδίαν καὶ τὴν κιθαρῳδικὴν ποίησιν πρῶτόν φησιν Ἀμφίονα ἐπινοῆσαι τὸν Διὸσ καὶ Ἀντιόπησ, τοῦ πατρὸσ δηλονότι διδάξαντοσ αὐτόν. πιστοῦται δὲ τοῦτο ἐκ τῆσ ἀναγραφῆσ τῆσ ἐν Σικυῶνι ἀποκειμένησ, δι’ ἧσ τάσ τε ἱερείασ τὰσ ἐν Ἄργει καὶ τοὺσ ποιητὰσ καὶ τοὺσ μουσικοὺσ ὀνομάζει. "κατὰ δὲ τὴν αὐτὴν ἡλικίαν καὶ Λίνον τὸν ἐξ Εὐβοίασ θρήνουσ πεποιηκέναι λέγει καὶ Ἄνθην τὸν ἐξ Ἀνθηδόνοσ τῆσ Βοιωτίασ ὕμνουσ καὶ Πίερον τὸν ἐκ Πιερίασ τὰ περὶ τὰσ Μούσασ ποιήματα· "ἀλλὰ καὶ Φιλάμμωνα τὸν Δελφὸν Λητοῦσ τε καὶ Ἀρτέμιδοσ καὶ Ἀπόλλωνοσ γένεσιν δηλῶσαι ἐν μέλεσι καὶ χοροὺσ πρῶτον περὶ τὸ ἐν Δελφοῖσ ἱερὸν στῆσαι· "Θάμυριν δὲ τὸ γένοσ Θρᾷκα εὐφωνότερον καὶ ἐμμελέστερον πάντων τῶν τότε ᾆσαι, ὡσ ταῖσ; "Μούσαισ, κατὰ τοὺσ ποιητάσ, εἰσ ἀγῶνα καταστῆναι· "πεποιηκέναι δὲ τοῦτον ἱστορεῖται Τιτάνων πρὸσ τοὺσ θεοὺσ πόλεμον γεγονέναι δὲ καὶ Δημόδοκον Κερκυραῖον παλαιὸν μουσικόν, ὃν πεποιηκέναι Ἰλίου τε πόρθησιν καὶ Ἀφροδίτησ καὶ Ἡφαίστου γάμον· "ἀλλὰ μὴν καὶ Φήμιον Ἰθακήσιον νόστον τῶν ἀπὸ Τροίασ μετ’ Ἀγαμέμνονοσ ἀνακομισθέντων ποιῆσαι. "οὐ λελυμένην δ’ εἶναι τῶν προειρημένων τὴν τῶν ποιημάτων λέξιν καὶ μέτρον οὐκ ἔχουσαν, ἀλλὰ καθάπερ Στησιχόρου τε καὶ τῶν ἀρχαίων μελοποιῶν, οἳ ποιοῦντεσ ἔπη, τούτοισ μέλη περιετίθεσαν· "καὶ γὰρ τὸν Τέρπανδρον ἔφη κιθαρῳδικῶν ποιητὴν ὄντα νόμων, κατὰ νόμον ἕκαστον τοῖσ ἔπεσι τοῖσ ἑαυτοῦ καὶ τοῖσ Ὁμήρου μέλη περιτιθέντα ᾄδειν ἐν τοῖσ ἀγῶσιν ἀποφῆναι δὲ τοῦτον λέγει ὀνόματα πρῶτον τοῖσ κιθαρῳδικοῖσ νόμοισ· "ὁμοίωσ δὲ Τερπάνδρῳ Κλονᾶν, τὸν πρῶτον συστησάμενον τοὺσ αὐλῳδικοὺσ νόμουσ καὶ τὰ προσόδια, ἐλεγείων τε καὶ ἐπῶν ποιητὴν γεγονέναι· "καὶ Πολύμνηστον τὸν Κολοφώνιον τὸν μετὰ τοῦτον γενόμενον τοῖσ αὐτοῖσ χρήσασθαι ποιήμασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pseudo-Plutarch, De musica, section 3 1:

(위 플루타르코스, De musica, section 3 1:)

상위

목록

SEARCH

MENU NAVIGATION