Pseudo-Plutarch, De musica, section 7

(위 플루타르코스, De musica, section 7)

ἐπεὶ δὲ τοὺσ αὐλῳδικοὺσ νόμουσ καὶ κιθαρῳδικοὺσ ὁμοῦ τοὺσ ἀρχαίουσ ἐμπεφανίκαμεν, μεταβησόμεθα ἐπὶ μόνουσ τοὺσ αὐλῳδικούσ. τὸν καλούμενον Πολυκέφαλον εἶναι δὲ τὸν Ὄλυμπον τοῦτόν φασιν ἕνα τῶν ἀπὸ τοῦ πρώτου Ὀλύμπου τοῦ Μαρσύου, πεποιηκότοσ εἰσ τοὺσ θεοὺσ·

τοὺσ νόμουσ·

ἁρμονικοὺσ ἐξήνεγκεν εἰσ τὴν Ἑλλάδα, οἷσ νῦν χρῶνται οἱ Ἕλληνεσ ἐν ταῖσ ἑορταῖσ τῶν θεῶν.

ἄλλοι δὲ Κράτητοσ εἶναί φασι τὸν Πολυκέφαλον νόμον, γενομένου μαθητοῦ Ὀλύμπου ὁ δὲ Πρατίνασ Ὀλύμπου φησὶν εἶναι τοῦ νεωτέρου Τὸν νόμον τοῦτον. τὸν δὲ καλούμενον Ἁρμάτιον νόμον λέγεται ποιῆσαι ὁ πρῶτοσ Ὄλυμποσ, ὁ Μαρσύου μαθητήσ.

τὸν δὲ Μαρσύαν φασί τινεσ Μάσσην καλεῖσθαι·

οἱ δ’ οὔ, ἀλλὰ Μαρσύαν εἶναι δ’ αὐτὸν Υἅγνιδοσ υἱόν, τοῦ πρώτου εὑρόντοσ τὴν αὐλητικὴν τέχνην. ὅτι δ’ ἐστὶν Ὀλύμπου ὁ ἁρμάτιοσ νόμοσ, ἐκ τῆσ Γλαύκου ἀναγραφῆσ τῆσ ὑπὲρ τῶν ἀρχαίων ποιητῶν μάθοι ἄν τισ, καὶ ἔτι γνοίη ὅτι Στησίχοροσ ὁ Ἱμεραῖοσ οὔτ’ Ὀρφέα οὔτε Τέρπανδρον οὔτ’ Ἀρχίλοχον οὔτε Θαλήταν ἐμιμήσατο, ἀλλ’ Ὄλυμπον, χρησάμενοσ τῷ ἁρματίῳ νόμῳ καὶ τῷ κατὰ δάκτυλον εἴδει, ὃ τινεσ ἐξ ὀρθίου νόμου φασὶν εἶναι.

ἄλλοι δέ τινεσ ὑπὸ Μυσῶν εὑρῆσθαι τοῦτον τὸν νόμον·

γεγονέναι γάρ τινασ ἀρχαίουσ αὐλητὰσ Μυσούσ.

일치하는 문장이 없습니다.

SEARCH

MENU NAVIGATION