Plutarch, Otho, chapter 7 5:

οἱ δὲ περὶ τὸν Κέλσον καὶ Παυλῖνον ἄλλωσ ἐφείλκοντο συμβούλων ὄνομα καὶ φίλων, ἐξουσίαν καὶ δύναμιν ἐν τοῖσ πράγμασι μηδεμίαν ἔχοντεσ, ἦν δὲ θορυβώδη καὶ τὰ παρὰ τοῖσ πολεμίοισ, μάλιστα δὲ τοῖσ ὑπὸ τῷ Οὐάλεντι· καὶ τῆσ περὶ τὴν ἐνέδραν μάχησ ἀπαγγελθείσησ ἐχαλέπαινον ὅτι μὴ παρεγένοντο μηδὲ ἤμυναν ἀνδρῶν τοσούτων ἀποθανόντων, μόλισ δὲ πείσασ καὶ παραιτησάμενοσ ὡρμημένουσ αὐτοὺσ βάλλειν ἀνέζευξε καὶ συνῆψε τοῖσ περὶ Κεκίναν.