헬라어 문장 검색 - Πλυταρ́Οτηό03́

(플루타르코스, Otho, chapter 3)

οὕτω δὲ τῷ δήμῳ τὴν δικαιοτάτην ἡδονὴν ἀποδοὺσ ὁ Καῖσαρ, αὐτὸσ ἰδίασ ἔχθρασ οὐδενὶ τοπαράπαν ἐμνησικάκησε, τοῖσ δὲ πολλοῖσ χαριζόμενοσ οὐκ ἔφευγε τὸ πρῶτον ἐν τοῖσ θεάτροισ Νέρων προσαγορεύεσθαι· καί τινων εἰκόνασ Νέρωνοσ εἰσ τοὐμφανὲσ προθεμένων οὐκ ἐκώλυσε. Κλούβιοσ δὲ Ῥοῦφοσ εἰσ Ἰβηρίαν φησὶ κομισθῆναι διπλώματα, οἷσ ἐκπέμπουσι τοὺσ γραμματηφόρουσ, τὸ τοῦ Νέρωνοσ θετὸν ὄνομα προσγεγραμμένον ἔχοντα τῷ τοῦ Ὄθωνοσ.

οὐ μὴν ἀλλὰ τοὺσ πρώτουσ καί κρατίστουσ αἰσθόμενοσ ἐπὶ τούτῳ δυσχεραίνοντασ ἐπαύσατο. τοιαύτην δὲ τῆσ ἡγεμονίασ κατάστασιν αὐτῷ λαμβανούσησ, οἱ μισθοφόροι χαλεποὺσ παρεῖχον ἑαυτούσ, ἀπιστεῖν παρακελευόμενοι καί φυλάττεσθαι καί κολούειν τοὺσ ἀξιολόγουσ, εἴτ’ ἀληθῶσ φοβούμενοι δι’ εὔνοιαν, εἴτε προφάσει χρώμενοι ταύτῃ τοῦ ταράττειν καί πολεμοποιεῖν. Κρισπῖνον δὲ πέμψαντοσ αὐτοῦ τὴν ἑπτακαιδεκάτην σπεῖραν Ὠστίασ ἀπάξοντα, κἀκείνου νυκτὸσ ἔτι συσκευαζομένου καί τὰ ὅπλα ταῖσ ἁμάξαισ ἐπιτιθέντοσ, οἱ θρασύτατοι πάντεσ ἐβόων οὐδὲν ὑγιὲσ τὸν Κρισπῖνον ἥκειν διανοούμενον, ἀλλὰ τὴν σύγκλητον ἐπιχειρεῖν πράγμασι νεωτέροισ, καὶ τὰ ὅπλα κατὰ Καίσαροσ, οὐ Καίσαρι παρακομίζεσθαι.

ἡ μὲν οὖν πόλισ ὡσ αὐτίκα διαρπαγησομένη θόρυβον εἶχε πολύν, ἐν δὲ τοῖσ βασιλείοισ ἦσαν διαδρομαί, καί τὸν Ὄθων α δεινὴ κατελάμβανεν ἀπορία.

φοβούμενοσ γὰρ ὑπὲρ τῶν ἀνδρῶν αὐτὸσ ἦν φοβερὸσ ἐκείνοισ, καί πρὸσ αὑτὸν ἀνηρτημένουσ ἑώρα ταῖσ ὄψεσιν ἀναύδουσ καί περιδεεῖσ, ἐνίουσ καί μετὰ γυναικῶν ἥκοντασ ἐπὶ τὸ δεῖπνον. ἅμα δὲ τοὺσ ἐπάρχουσ ἀπέστελλε τοῖσ στρατιώταισ διαλέγεσθαι καί πραΰνειν κελεύσασ, ἅμα δὲ τοὺσ κεκλημένουσ ἄνδρασ ἀναστήσασ καθ’ ἑτέρασ θύρασ ἀφῆκε·

καί μικρὸν ἔφθησαν ὑπεκφυγόντεσ, διὰ τῶν μισθοφόρων ὠθουμένων εἰσ τὸν ἀνδρῶνα καί πυνθανομένων τί γεγόνασιν οἱ Καίσαροσ πολέμιοι. τότε μὲν οὖν ὀρθὸσ ἀπὸ τῆσ κλίνησ πολλὰ παρηγορήσασ καί δεηθεὶσ καί μηδὲ δακρύων φεισάμενοσ μόλισ ἀπέπεμψεν αὐτούσ·

τῇ δ’ ὑστεραίᾳ δωρησάμενοσ ἅπαντασ κατ’ ἄνδρα χιλίαισ καί διακοσίαισ καί πεντήκοντα δραχμαῖσ εἰσῆλθεν εἰσ τὸ στρατόπεδον, καί τὸ μὲν πλῆθοσ ἐπῄνεσεν, ὡσ πρὸσ αὐτὸν εὔνουν καί πρόθυμον, ὀλίγουσ δέ τινασ οὐκ ἐπ’ ἀγαθῷ φήσασ ὑποικουρεῖν, διαβάλλοντασ αὐτοῦ τὴν μετριότητα καί τὴν ἐκείνων εὐστάθειαν, ἠξίου συναγανακτεῖν καί συγκολάζειν. ἐπαινούντων δὲ πάντων καί κελευόντων, δύο μόνουσ παραλαβών, οἷσ οὐδεὶσ ἔμελλεν ἄχθεσθαι κολασθεῖσιν, ἀπηλλάγη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Otho, chapter 3

(플루타르코스, Otho, chapter 3)

상위

목록

SEARCH

MENU NAVIGATION