헬라어 문장 검색 - Πλυταρ́Οτηό07́

(플루타르코스, Otho, chapter 7)

τοῦ δὲ Κεκίνα λοχίσαντοσ εἰσ λάσια χωρία καὶ ὑλώδη πολλοὺσ ὁπλίτασ, ἱππεῖσ δὲ προεξελάσαι κελεύσαντοσ, κἂν συνάψωσιν οἱ πολέμιοι κατὰ μικρὸν ἀναχωρεῖν καὶ ἀναφεύγειν, ἄχρι ἂν ὑπάγοντεσ οὕτωσ ἐμβάλωσιν αὐτοὺσ εἰσ τὴν ἐνέδραν, ἐξήγγειλαν αὐτόμολοι τῷ Κέλσῳ. καὶ οὗτοσ μὲν ἱππεῦσιν ἀγαθοῖσ ἀντεξελάσασ, πεφυλαγμένωσ δὲ χρώμενοσ τῇ διώξει καὶ τὴν ἐνέδραν περισχὼν καὶ συνταράξασ, ἐκάλει τοὺσ ὁπλίτασ ἐκ τοῦ στρατοπέδου. καὶ δοκοῦσιν ἂν ἐπελθόντεσ ἐν καιρῷ μηδένα λιπεῖν τῶν πολεμίων, ἀλλὰ πᾶν τὸ μετὰ Κεκίνα στράτευμα συντρῖψαι καὶ ἀνελεῖν ἐπισπόμενοι τοῖσ ἱππεῦσι·

νυνὶ δὲ ὁ Παυλῖνοσ ὀψὲ καὶ σχολῇ προσβοηθήσασ αἰτίαν ἔσχεν ἐνδεέστερον τῆσ δόξησ στρατηγῆσαι δι’ εὐλάβειαν. οἱ δὲ πολλοὶ τῶν στρατιωτῶν καὶ προδοσίαν ἐνεκάλουν αὐτῷ, καὶ παρώξυνον τὸν Ὄθωνα, μεγαληγοροῦντεσ ὡσ νενικηκότων αὐτῶν, τῆσ δὲ νίκησ οὐκ ἐπὶ πᾶν προελθούσησ κακίᾳ τῶν στρατηγῶν.

ὁ δὲ Ὄθων οὐχ οὕτωσ ἐπίστευεν αὐτοῖσ ὡσ ἐβούλετο μὴ δοκεῖν ἀπιστεῖν. ἔπεμψεν οὖν Τιτιανὸν ἐπὶ τὰ στρατεύματα τὸν ἀδελφὸν καὶ Πρόκλον τὸν ἔπαρχον, ὃσ εἶχεν ἔργῳ τὴν πᾶσαν ἀρχήν, πρόσχημα δὲ ἦν ὁ Τιτιανόσ. οἱ δὲ περὶ τὸν Κέλσον καὶ Παυλῖνον ἄλλωσ ἐφείλκοντο συμβούλων ὄνομα καὶ φίλων, ἐξουσίαν καὶ δύναμιν ἐν τοῖσ πράγμασι μηδεμίαν ἔχοντεσ, ἦν δὲ θορυβώδη καὶ τὰ παρὰ τοῖσ πολεμίοισ, μάλιστα δὲ τοῖσ ὑπὸ τῷ Οὐάλεντι·

καὶ τῆσ περὶ τὴν ἐνέδραν μάχησ ἀπαγγελθείσησ ἐχαλέπαινον ὅτι μὴ παρεγένοντο μηδὲ ἤμυναν ἀνδρῶν τοσούτων ἀποθανόντων, μόλισ δὲ πείσασ καὶ παραιτησάμενοσ ὡρμημένουσ αὐτοὺσ βάλλειν ἀνέζευξε καὶ συνῆψε τοῖσ περὶ Κεκίναν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Otho, chapter 7

(플루타르코스, Otho, chapter 7)

상위

목록

SEARCH

MENU NAVIGATION