Plutarch, Otho, chapter 1

(플루타르코스, Otho, chapter 1)

ὁ δὲ νεώτεροσ αὐτοκράτωρ ἅμ’ ἡμέρᾳ προελθὼν εἰσ τὸ Καπιτώλιον ἔθυσε· καὶ κελεύσασ Μάριον Κέλσον ἀχθῆναι πρὸσ αὑτὸν ἠσπάσατο καὶ διελέχθη φιλανθρώπωσ, καὶ παρεκάλεσε τῆσ αἰτίασ ἐπιλαθέσθαι μᾶλλον ἢ τῆσ ἀφέσεωσ μνημονεύειν. τοῦ δὲ Κέλσου μήτε ἀγεννῶσ ἀποκριναμένου μήτ’ ἀναισθήτωσ, ἀλλά φήσαντοσ αὐτὸ τοῦ τρόπου διδόναι τὸ ἔγκλημα πίστιν, ἐγκεκλῆσθαι γὰρ ὅτι Γάλβᾳ βέβαιον ἑαυτὸν παρέσχεν, ᾧ χάριν οὐδεμίαν ὤφειλεν, ἠγάσθησαν οἱ παρόντεσ ἀμφοτέρων καὶ τὸ στρατιωτικὸν ἐπῄνεσεν. ἐν δὲ συγκλήτῳ πολλὰ δημοτικὰ καὶ φιλάνθρωπα διαλεχθείσ, ὃν μὲν αὐτὸσ ὑπατεύειν χρόνον ἤμελλε, τούτου μέροσ ἔνειμεν Οὐεργινίῳ Ῥούφῳ, τοῖσ δὲ ἀποδεδειγμένοισ ὑπὸ Νέρωνοσ ἢ Γάλβα πᾶσιν ἐτήρησε τὰσ ὑπατείασ.

ἱερωσύναισ δὲ τοὺσ καθ’ ἡλικίαν προήκοντασ ἢ δόξαν ἐκόσμησε. τοῖσ δὲ ἐπὶ Νέρωνοσ φυγοῦσι καὶ κατελθοῦσιν ἐπὶ Γάλβα συγκλητικοῖσ πᾶσιν ἀπέδωκεν ὅσα μὴ πεπραμένα τῶν κτημάτων ἑκάστου ἐξεύρισκεν.

ὅθεν οἱ πρῶτοι καὶ κράτιστοι πεφρικότεσ πρότερον ὡσ οὐκ ἀνδρόσ, ἀλλά τινοσ ἢ Ποινῆσ ἢ παλαμναίου δαίμονοσ ἄφνω τοῖσ πράγμασιν ἐπιπεπτωκότοσ, ἡδίουσ ἐγένοντο ταῖσ ἐλπίσι πρὸσ τὴν ἠγεμονίαν ὥσπερ διαμειδιῶσαν.

일치하는 문장이 없습니다.

SEARCH

MENU NAVIGATION