Plutarch, Mulierum virtutes, Ξενοκρίτη. 15:

λέγεται δὲ καὶ Ξενοκρίτην ἀκούσασαν εἰπεῖν, ὡσ ἐβούλετ’ ἂν καὶ αὐτὴ γῆν ὑπὲρ τοῦ πατρὸσ φέρειν παρόντοσ ἢ τρυφῆσ συμμετέχειν Ἀριστοδήμῳ καὶ δυνάμεωσ τοσαύτησ. ἐπέρρωσεν οὖν ταῦτα τοὺσ συνισταμένουσ ἐπὶ τὸν Ἀριστόδημον, ὧν ἡγεῖτο Θυμοτέλησ καὶ τῆσ Ξενοκρίτησ εἰσόδου παρεχούσησ αὐτοῖσ ἄδειαν καὶ τὸν Ἀριστόδημον ἀόπλον καὶ ἀφύλακτον, οὐ χαλεπῶσ παρεισπεσόντεσ διαφθείρουσιν αὐτόν. οὕτω μὲν ἡ Κυμαίων πόλισ ἠλευθερώθη·