Plutarch, De fraterno amore, section 19 3:

"συγκρητισμόσ. ἔνιοι γὰρ ὥσπερ ὕδωρ τοῖσ χαλῶσι καὶ διισταμένοισ ὑπορρέοντεσ ἀνατρέπουσιν οἰκειότητασ καὶ φιλίασ, μισοῦντεσ μὲν ἀμφοτέρουσ ἐπιτιθέμενοι δὲ τῷ μᾶλλον ὑπ’ ἀσθενείασ ἐνδιδόντι. τῷ μὲν γὰρ ἐρῶντι συνερῶσιν οἱ νεαροὶ καὶ ἄκακοι τῶν φίλων, τῷ δ’ ὀργιζομένῳ καὶ διαφερομένῳ πρὸσ ἀδελφὸν οἱ κακοηθέστατοι τῶν ἐχθρῶν συναγανακτεῖν καὶ συνοργίζεσθαι δοκοῦσι.