호흡부호 보기
강세부호 보기
장단부호 보기
작은 Iota 보기
모든 부호 보기
τὸ δὲ ἄρα καὶ δόξα ἦν ἀληθήσ. ἐοίκέ γε. οὐδὲν ἄρα ἧττον ὠφέλιμόν ἐστιν ὀρθὴ δόξα ἐπιστήμησ. τοσούτῳ γε, ὦ Σώκρατεσ, ὅτι ὁ μὲν τὴν ἐπιστήμην ἔχων ἀεὶ ἂν ἐπιτυγχάνοι, ὁ δὲ τὴν ὀρθὴν δόξαν τοτὲ μὲν ἂν τυγχάνοι, τοτὲ δ’ οὔ. πῶσ λέγεισ; ὁ ἀεὶ ἔχων ὀρθὴν δόξαν οὐκ ἀεὶ ἂν τυγχάνοι, ἑώσπερ ὀρθὰ δοξάζοι; ἀνάγκη μοι φαίνεται· ὥστε θαυμάζω, ὦ Σώκρατεσ, τούτου οὕτωσ ἔχοντοσ, ὅτι δή ποτε πολὺ τιμιωτέρα ἡ ἐπιστήμη τῆσ ὀρθῆσ δόξησ, καὶ δι’ ὅτι τὸ μὲν ἕτερον, τὸ δὲ ἕτερόν ἐστιν αὐτῶν. οἶσθα οὖν δι’ ὅτι θαυμάζεισ, ἢ ἐγώ σοι εἴπω;
호흡부호 보기
강세부호 보기
장단부호 보기
작은 Iota 보기
모든 부호 보기