Plato, Euthydemus, Protagoras, Gorgias, Meno, Μένων 124:

ἔπειτα τοῦτον εὖ ἔθρεψεν καὶ ἐπαίδευσεν, ὡσ δοκεῖ Ἀθηναίων τῷ πλήθει· αἱροῦνται γοῦν αὐτὸν ἐπὶ τὰσ μεγίστασ ἀρχάσ. δίκαιον δὴ μετὰ τοιούτων ζητεῖν ἀρετῆσ πέρι διδασκάλουσ, εἴτ’ εἰσὶν εἴτε μή, καὶ οἵτινεσ. σὺ οὖν ἡμῖν, ὦ Ἄνυτε, συζήτησον, ἐμοί τε καὶ τῷ σαυτοῦ ξένῳ Μένωνι τῷδε, περὶ τούτου τοῦ πράγματοσ τίνεσ ἂν εἰε͂ν διδάσκαλοι. ὧδε δὲ σκέψαι· εἰ βουλοίμεθα Μένωνα τόνδε ἀγαθὸν ἰατρὸν γενέσθαι, παρὰ τίνασ ἂν αὐτὸν πέμποιμεν διδασκάλουσ;