Plato, Euthydemus, Protagoras, Gorgias, Meno, Μένων 49:

ἀνάγκη. κινδυνεύεισ ἀληθῆ λέγειν, ὦ Σώκρατεσ· ἀλλὰ τοὺσ βλαπτομένουσ οὗτοι οὐκ οἰόνται ἀθλίουσ εἶναι καθ’ ὅσον βλάπτονται; καὶ τοῦτο ἀνάγκη. τοὺσ δὲ ἀθλίουσ οὐ κακοδαίμονασ; οἶμαι ἔγωγε. ἔστιν οὖν ὅστισ βούλεται ἄθλιοσ καὶ κακοδαίμων εἶναι; οὔ μοι δοκεῖ, ὦ Σώκρατεσ. οὐκ ἄρα βούλεται, ὦ Μένων, τὰ κακὰ οὐδείσ, εἴπερ μὴ βούλεται τοιοῦτοσ εἶναι. τί γὰρ ἄλλο ἐστὶν ἄθλιον εἶναι ἢ ἐπιθυμεῖν τε τῶν κακῶν καὶ κτᾶσθαι;