Plato, Euthydemus, Protagoras, Gorgias, Meno, Μένων 27:

οὐκοῦν διὰ ταῦτα, ὅτι καὶ ἄλλα ἔστιν σχήματα; ναί. καὶ εἴ γε προσανηρώτα σε ὁποῖα, ἔλεγεσ ἄν; ἔγωγε. καὶ αὖ εἰ περὶ χρώματοσ ὡσαύτωσ ἀνήρετο ὅτι ἐστίν, καὶ εἰπόντοσ σου ὅτι τὸ λευκόν, μετὰ ταῦτα ὑπέλαβεν ὁ ἐρωτῶν· "πότερον τὸ λευκὸν χρῶμά ἐστιν ἢ χρῶμά τι; εἶπεσ ἂν ὅτι χρῶμά τι, διότι καὶ ἄλλα τυγχάνει ὄντα; ἔγωγε. καὶ εἴ γέ σε ἐκέλευε λέγειν ἄλλα χρώματα, ἔλεγεσ ἂν ἄλλα, ἃ οὐδὲν ἧττον τυγχάνει ὄντα χρώματα τοῦ λευκοῦ;