Plato, Euthydemus, Protagoras, Gorgias, Meno, Γοργίας 415:

νῦν δέ, ὦ βέλτιστε ἀνδρῶν, ἐπειδὴ σὺ μὲν αὐτὸσ ἄρτι ἄρχῃ πράττειν τὰ τῆσ πόλεωσ πράγματα, ἐμὲ δὲ παρακαλεῖσ καὶ ὀνειδίζεισ ὅτι οὐ πράττω, οὐκ ἐπισκεψόμεθα ἀλλήλουσ, φέρε, Καλλικλῆσ ἤδη τινὰ βελτίω πεποίηκεν τῶν πολιτῶν; ἔστιν ὅστισ πρότερον πονηρὸσ ὤν, ἄδικόσ τε καὶ ἀκόλαστοσ καὶ ἄφρων, διὰ Καλλικλέα καλόσ τε κἀγαθὸσ γέγονεν, ἢ ξένοσ ἢ ἀστόσ, ἢ δοῦλοσ ἢ ἐλεύθεροσ; λέγε μοι, ἐάν τίσ σε ταῦτα ἐξετάζῃ, ὦ Καλλίκλεισ, τί ἐρεῖσ;