Plato, Euthydemus, Protagoras, Gorgias, Meno, Γοργίας 407:

ἔστω, εἰ βούλει, σοὶ οὕτωσ. ἡ δέ γε ἑτέρα, ὅπωσ ὡσ βέλτιστον ἔσται τοῦτο, εἴτε σῶμα τυγχάνει ὂν εἴτε ψυχή, ὃ θεραπεύομεν; πάνυ γε. ἆρ’ οὖν οὕτωσ ἐπιχειρητέον ἡμῖν ἐστιν τῇ πόλει καὶ τοῖσ πολίταισ θεραπεύειν, ὡσ βελτίστουσ αὐτοὺσ τοὺσ πολίτασ ποιοῦντασ; ἄνευ γὰρ δὴ τούτου, ὡσ ἐν τοῖσ ἔμπροσθεν ηὑρίσκομεν, οὐδὲν ὄφελοσ ἄλλην εὐεργεσίαν οὐδεμίαν προσφέρειν, ἐὰν μὴ καλὴ κἀγαθὴ ἡ διάνοια ᾖ τῶν μελλόντων ἢ χρήματα πολλὰ λαμβάνειν ἢ ἀρχήν τινων ἢ ἄλλην δύναμιν ἡντινοῦν. φῶμεν οὕτωσ ἔχειν;