Plato, Euthydemus, Protagoras, Gorgias, Meno, Γοργίας 306:

Ἐρώτα δὴ σὺ τὰ σμικρά τε καὶ στενὰ ταῦτα, ἐπείπερ Γοργίᾳ δοκεῖ οὕτωσ. εὐδαίμων εἶ, ὦ Καλλίκλεισ, ὅτι τὰ μεγάλα μεμύησαι πρὶν τὰ σμικρά· ἐγὼ δ’ οὐκ ᾤμην θεμιτὸν εἶναι. ὅθεν οὖν ἀπέλιπεσ ἀποκρίνου, εἰ οὐχ ἅμα παύεται διψῶν ἕκαστοσ ἡμῶν καὶ ἡδόμενοσ. φημί. οὐκοῦν καὶ πεινῶν καὶ τῶν ἄλλων ἐπιθυμιῶν καὶ ἡδονῶν ἅμα παύεται; ἔστι ταῦτα. οὐκοῦν καὶ τῶν λυπῶν καὶ τῶν ἡδονῶν ἅμα παύεται;