Plato, Euthydemus, Protagoras, Gorgias, Meno, Γοργίας? 302:

ναί. τὸ δὲ πίνειν πλήρωσίς τε τῆς ἐνδείας καὶ ἡδονή· ναί. οὐκοῦν κατὰ τὸ πίνειν χαίρειν λέγεις· μάλιστα. διψῶντά γε. φημί. λυπούμενον· ναί. αἰσθάνῃ οὖν τὸ συμβαῖνον, ὅτι λυπούμενον χαίρειν λέγεις ἅμα, ὅταν διψῶντα πίνειν λέγῃς· ἢ οὐχ ἅμα τοῦτο γίγνεται κατὰ τὸν αὐτὸν τόπον καὶ χρόνον εἴτε ψυχῆς εἴτε σώματος βούλει· οὐδὲν γὰρ οἶμαι διαφέρει. ἔστι ταῦτα ἢ οὔ· ἔστιν. ἀλλὰ μὴν εὖ γε πράττοντα κακῶς πράττειν ἅμα ἀδύνατον φῂς εἶναι.