Plato, Euthydemus, Protagoras, Gorgias, Meno, Γοργίας 43:

καὶ τὰσ ἄλλασ ἃσ νυνδὴ ἐλέγομεν τέχνασ ἁπάσασ ἕξομεν ἀποδεῖξαι πειθοῦσ δημιουργοὺσ οὔσασ καὶ ἧστινοσ καὶ περὶ ὅτι· ἢ οὔ; ναί. οὐκ ἄρα ῥητορικὴ μόνη πειθοῦσ ἐστιν δημιουργόσ. ἀληθῆ λέγεισ. ἐπειδὴ τοίνυν οὐ μόνη ἀπεργάζεται τοῦτο τὸ ἔργον, ἀλλὰ καὶ ἄλλαι, δικαίωσ ὥσπερ περὶ τοῦ ζωγράφου μετὰ τοῦτο ἐπανεροίμεθ’ ἂν τὸν λέγοντα· ποίασ δὴ πειθοῦσ καὶ τῆσ περὶ τί πειθοῦσ ἡ ῥητορική ἐστιν τέχνη; ἢ οὐ δοκεῖ σοι δίκαιον εἶναι ἐπανερέσθαι;